Vafilipiya 2:11 - Bhiblia Yo Sawuleka

¹¹ se totshe tidimi ti fanela kuhuwelela ti to Jesu Kristu ngene i ku Mkoma kasi ku na dhumiswa Txizimu Tate.

Vafilipiya 2:11 Referans Kwoze

1 Johani 4:15

Awu a fakazako ti to Jesu Mwanana wa Txizimu, Txizimu txi zumba kwakwe, se nene a zumba ka Txizimu.

Varoma 14:11

Nguko ti bhatwe ti taku: “Ngako ni hanyako, kha Mkoma, otshe mazolo ma na khizama masoni kwangu, ni totshe tidimi ti na dhumisa Txizimu.”

Johani 13:13

Anu mi ni dhana ngu ditina daku ni M'gondisi ni Mkoma; inna, mi womba tona, nguko ani, ngani.

1 Johani 4:2

Moya wa Txizimu mi na wu zivisa tiya: Wotshe moya wu wu fakazako ti to Jesu Kristu a tile ha mafuni ngu wutumbu wakwe, mbwa Txizimu.

Varoma 14:9

Kristu a fite e tshumela e wuka ka vakufa, kasiku e maha Mkoma wa vo hanya ni vo fa.

1 Vakorinto 12:3

Ngu toneto, na mi zivisa ku khani: A walo wu a wombawombako ngu kutulelwa ngu Moya wa Txizimu, a sikotako kuwomba ti to “Jesu nja walo”; kambe awalo wu a sikotako kuwomba ti to “Jesu Mkoma,” na i si nga wu a nga tulelwa ngu wona Moya wo Sawuleka.

Johani 14:13

Se sotshe si mi no kombela ngu ditina dangu, ni na si maha, kasiku Tate e dhumiswa ka Mwanana.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

1 Vakorinto 8:6

kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.

Mtuletelo 3:5

Awu a xulako a na ambala siamlalo so basa, se ani kha ni na mbi thuka ni pfhuta ditina dakwe dibhukuni ka wutomi. Ni na nuwela ditina dakwe masoni ka Tate wangu ni ka tingelozi takwe.

Matewu 10:32

“M'thu ni m'thu a no ni tumela masoni ka vathu nanani ni na mtumela masoni ka Tate wangu a ku nzumani.

Mithumo 10:36

Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.

Mithumo 2:36

“Ngu konaho, ta laveka ti to yotshe nyumba ya Israyeli yi tiziva ngu ditshuri da kutsana timhaka tiya: Txizimu txi mwusile Mkoma ni Mesiya, ene Jesu Kristu wu anu mi nga mu gogotela ha txihambanoni.”

Johani 9:22

Vaveleki vakwe va wombisile tiya ngu kuthava Vajudha. Nguko vona Vajudha va ti langanile tito, ngako m'thu wokari a txi womba ti to Jesu ngene Mesiya, a na tovelwa disinagogani.

Johani 5:23

Kasiku votshe ve thava Mwanana, nga ti va thavisako tona Tate. Awu asi thaviko Mwanana, kha thavi ni Tate wu a nga mruma.”

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

2 Johani 1:7

Nguko va hangalakile ni ditiko vaxengeteli vavangi, ava va si fakaziko ti to Jesu Kristu a tile ngu didhawa da nyama. M'thu wo ngeto, ngene mxengeteli ni mkaneti wa Kristu.

1 Vakorinto 15:47

M'thu wo khata a nga wumbwa ngu mafu, mbwa mafu; m'thu wa wumbidi a ta ngu nzumani.

Varoma 15:9

Se i di ka vamatiko, vona va dhumisa Txizimu ngu mhaka ya wumbilu wa txona, nga ti ti nga bhalwa taku: “Ngu konaho, ni na kupfalisa hagari ka vamatiko, Kambe ni na embelela tindando ta kudhumisa ditina dako.”

Johani 20:28

Se Tomasi a to khene: “Mkoma wangu ni Txizimu txangu!”

Johani 17:1

Jesu ngako a di wombile timhaka tiya, a to gula maso a txi wona nzumani, a txi khene: “Tata, txi hokile txikhati. Dhumisa Mwanana wako, kufela kunene Mwanana wako e kudhumisa,

Johani 12:42

Hambi keto, vavangi hagari ka tinduna, va ti ti kholwa kwakwe; aniko, ngu mhaka ya kuthava Vafarisi, va si ti wombi ha kubasani, kasiku va si tovelwi disinagogani,

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.

Jeremiya 23:6

Judha a na hanyiswa ka masikuyo akwe, ni Israyeli a na zumba ngu kuthutha. Ndide ditina dakwe di a no dhanwa ngu dona: “Mkoma ngene kululama kwangu.”

Masalmo 18:49

Ngu kumaha keto, Mkoma, ni na kudhumisa hagari ka mifumo kambe ni na embelela tindando ta ku kudhumisa.

Johani 14:23

Jesu a to mu xamula, a txi khene: “Ngako m'thu a txi ni randa, a na vekisa dipswi dangu. Tate wangu a na mu randa, se hi nata kwakwe, hi ta maha wugovelo wathu.

Johani 13:14

Se ngako ani ni ku M'gondisi ni Mkoma, ni nga mi sambisa mikondo, na nanu mi fanela kusambisana mikondo ngu txanu.