Vafilipiya 1:7 - Bhiblia Yo Sawuleka

⁷ Ti lulamile ngako ni txi alakanya toneto ngu mhaka yanu motshe, nguko nina ni nanu mbiluni kwangu, nguko mi patani ni nani ka kateko yangu, amu kusungwani kwangu, kumweko ni mu ka kulwela ni kutsanisa Evhangeli.

Vafilipiya 1:7 Referans Kwoze

2 Vakorinto 7:3

Kha ni wombi tiya kufela ku mi konisela, nguko ni ti wombile ni kukhatani, ti taku mi ho mu timbiluni kwathu, kasiku hi hanya hotshe ni kufa hotshe.

Vafilipiya 1:5

ni txi khumbula txivhuno txi mi nga txi maha ka mhaka ya kuhangalasa Evhangeli, kukhukhela ka ditshiku do khata kala nyamsi.

2 Timoti 2:9

ayi ni xanisekako ngu mhaka ya yona, ni za ni sungwa ngu tingomondo nga no va txigevenga, kambe dipswi da Txizimu kha di na kusungwa ngu tingomondo.

Vakolosa 4:18

Madingulisa awa ni bhala ngu txanza txangu: Ani Paulo. Mi nga divaleni ti to ni ku khotelwani. Kateko yi nave ni nanu.

Vafilipiya 4:14

Hambi ti di ngeto, mi mahile ta tinene mi nga patana ni nani kuxanisekani kwangu.

Vaefesu 6:20

ayi ni ku muemeli wa yona kona kusungwani muwa; kasi ku ni sikota kuwombawomba ngu kutxhatxheka, nga ha ti fanelako kuva ni txhumayela.

Vaefesu 3:1

Ngu konaho, ani Paulo ni maneka ku khotelwani ngu mhaka ya Jesu Kristu, kufela kuvhuna anu vamatiko,

Mithumo 20:23

aniko Moya wo Sawuleka wa ni fakazela ka didhoropa ni didhoropa, ti to ni rinzelwa ngu tingomondo ni sixaniso.

1 Johani 3:14

Athu ha tiziva ti to hi humile kufani hi txi ya wutomini, nguko ha randa vanathu. Awu asi randiko a ngadi zumbile kufani.

2 Pedro 1:13

I fanelo yangu, ni di ngadi ni txi hanya ka ditenda diya da ha mafuni ku mi wusa, kasi ku mi zumba mi txi wonelela.

1 Pedro 4:13

Aniko, tsakani ngu kumana txyavelo txa sixaniso sa Kristu, kasi ku na nanu, mi txi ta sikota kutsaka ni kugiya, ka ditshiku di ku nota kombiswa kupfaliswa ka Kristu.

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

2 Timoti 1:8

Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

1 Vatesalonika 5:5

Nguko anu motshenu mi vanana va kuwonekela, mi vanana va mitshikari. Athu kha hi nga vanana va wusiku mwendo txidema.

Vakolosa 4:3

mi txi hi kombelela nathu, kasiku Txizimu txi hi tulela nzila ya kutxhumayela kwathu, hi sikota kuhuwelela msisalo wa Kristu, ani ni maneka mkorani ngu mhaka ya wona msisalowo.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

2 Vakorinto 3:2

Anu mi dipapilo dathu, adi di nga bhalwa timbiluni kwathu, kasiku di txi ziwa ni kugondwa ngu votshe vathu.

1 Vakorinto 13:7

Lona la divalela totshe, la kholwa ka totshe, la rinzela totshe, la timisela totshe.

1 Vakorinto 9:23

Ni maha tiya totshe ngu mhaka ya Evhangeli, kasiku ni txi mana txyavelo txangu ka yona.

Mithumo 21:33

Sekoko mthangeli wa yimbi a to tshuketa e ñola Paulo, e rumela ku e sungwa ngu tingomondo timbidi, e muwotisa tito: Ngene mani, ni ti to nji txani a nga maha kani?

1 Pedro 5:1

Ka madhota awa ma ku hagari kwanu, na ma kombela ani ni ku didhota kulowe, fakazi ya sixaniso sa Kristu, ni thembako kumana txyavelo txa kupfaliswa ku ku nota humelela, ni khani:

Vafilipiya 1:12

Vanathu, ni lava ku mi tiziva ku ati ti nga ni humelela ti vhuni ngutu kutsimbitisa Evhangeli yi ya masoni:

Vafilipiya 1:13

Nguko ka yotshe nyumba ya wukoma ni ka otshe mamwani makhalo, mhaka ya kusungwa kwangu ngu mhaka ya Kristu ya ziwa ta tinene.

Vafilipiya 1:14

Wungi wa vanathu, va nga tsaniswa ka Mkoma ngu mhaka ya kusungwa kwangu, va engetetwe kutsana ngutu ve huwelela Dipswi, na va si thavi txilo.

Vafilipiya 2:22

Kasi i di ene, anu ma yi ziva mithumo yakwe: Ene, nga mwanana wu a thumisanako ni tate wakwe, a thumile kumweko ni nani ka mthumo wa Evhangeli.

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Vafilipiya 4:15

Ma tiziva ta tinene, anu Vafilipiya, tito, kukhatani ka Evhangeli, mbimo yi ni nga khukha Makedhoniya, kuwalo dibanza ni da dimwedo di nga ti vhunana ni nani, amu ka kuninga ni mu ko amukela, hahanze kwanu kugwita.

Filimoni 1:13

Ani ni ti navela ku m'zumbisa kheno ni nani, a txi kutsiveta ka mthumo wa ku ni vhunetela, ku khotelwani muwa ni ku kona, ngu mhaka ya Evhangeli.