28 mi si thavi kudhukiselwa ngu valala, kasi eto, kha ditshuri ti kombisa ti to vona va ya kulovani, ani anu mi ya kuhanyiswani. Atiya ti ta ngu ka Txizimu,
Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.
Se ngako hi di vanana, ha fanelwa kambe ngu kudya thomba: Hi vadyi va thomba ya Txizimu, hi vadyi va yona kumweko ni Kristu, nguko akuwa hi xanisekako kumweko nayo, tikomba ti to kha ditshuri hi na dhumiswa kumweko nayo kambe.
Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.
U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.
Aniko, hambiko hi nga thanga ngu kuxaniseka ni kuruketelwa aniya Filipiya, nga ti mi ti zivisako tona, Txizimu txathu txi hi ningile mtamo wa ku mi txhumayela Evhangeli yi yi tako ngu ka txona, hagari ka kulwa ka hombe.
Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?