Vafilipiya 1:26 - Bhiblia Yo Sawuleka

²⁶ ni ti to kutsaka ku mi ku nako ngu ngani ku txi anda ngu ka Kristu Jesu, mbimo yi ni no tshumela ni mi tela.

Vafilipiya 1:26 Referans Kwoze

2 Vakorinto 1:14

Nguko, se ma hi ziva ngu phuho yimwani, kambe ma ti dhumisa ngu ngathu, kufana ni nathu hi nota ti dhumisa ngu nganu, ka ditshiku da Mkoma wathu Jesu.

2 Vakorinto 5:12

Hi nga ti to ho tshumela hi txi ti dhumisa masoni kwanu, aniko hi lava ku mi ninga mbimo yo ti dhumisa anu ngu ngathu, kufela ku mi txi sikota kuangula ka vale va ti kulisako ngu sa hahanze i si nga ngu sa mbiluni.

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Vafilipiya 4:10

Ni tsakile ngutu ka Mkoma, ngu kuwa mi nga tshumela mi wuseta kukhatala kwanu ngu ngani; kha ditshuri mi ti ni khatalela, aniko mi ti si nga ni nzila yo komba kukhatala kwanu.

Vafilipiya 3:1

Ngu kugwitisa, vanathu, tsakani ngu ka Mkoma. Kha ti ni karati kuengeta ni mi bhalela toneto ta timweto, nguko eto ti vhuna ku mi tsanisa.

2 Vakorinto 7:6

Aniko Txizimu txi txi thavelelako va va ti vekako hahatshi ka txona, txi hi thavelete ngu kubwaka ka Titosi,

Johani 16:24

Kala konkuwa, kha mi nzi kukombela txilo ngu ditina dangu. Kombelani, mi na hiwa, kasiku litsako lanu li tatiseka.

Johani 16:22

Ngu toneto, nanu konkuwa ma pfa kupanda timbiluni kwanu, kambe na tshumela ni txi mi wona, se timbilu tanu ti na tala ngu litsako, kambe awalo wu a no mi honyola litsako lanu.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

2 Vakorinto 7:4

Na mi themba ngutu ta tinene, na ti guleta ngutu ngu nganu, ni tate ngu kuthavelelwa, ni tate ngu litsako ka sotshe sixaniso sathu.

2 Vakorinto 7:14

Nguko, hambiko ni nga ti dhumisa kudotho ngu nganu, masoni ka Titosi, kha ta maneka to mi wisa tingana, kufana ni ku hi wombako ditshuri masoni kwanu, ngu toneto, ku ti dhumisa kwangu ngu nganu masoni ka Titosi ku manekile i di ditshuri.

Vagalatiya 6:4

Aniko m'thu ni m'thu a na wonisise mithumo yakwe, se ngu kona a no sikota ku ti dhumisa ngu mithumo yakwe dwe, i si nga ngu ku ti dinganisa ni vamwani;