Vafilipiya 1:22 - Bhiblia Yo Sawuleka

²² Aniko, kota nga ti kuhanya kwangu ka nyama ku velekako mihando ya yinene, se kha ni tizivi ati ni fanelako kukhedha tona.

Vafilipiya 1:22 Referans Kwoze

1 Pedro 4:2

kasiku, ka masiku awa a nga salelwa ngu ona a kuhanya nyamani, e sikota kuhanya asi londeteli minavelo ya nyama, aniko a txi londetela kuranda ka Txizimu.

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Vafilipiya 1:24

aniko kuhanya kwangu ka nyama ha mafuni, njivhuno txa hombe kwanu.

Mithumo 3:17

“Hambi keto, vanathu, na tiziva ti to mi mahile tiya ngu kusisalelwa, kufana ni vona vathangeli vanu.

2 Vakorinto 10:3

Nguko hi hanya ha mafuni, kambe yimbi yi hi lwako yona, hi nga ya kulwela sa ha mafuni.

Masalmo 71:18

Se konkuwa, ni nga kumba ni basa misisi, awe Txizimu, u nga ni leke, nguko ni ngadi ni txi na xawutela ka liveleko liya ni ka va va nota, wukoma wako ni mtamo wako.

Vakolosa 2:1

Ni dhunda ti to mi txi ziva yimbi yi ya hombe ngutu ni lwako ngu kota yanu ni va niya Laodhikheya ni votshe vava va si ni ziviko ngu khohe,

Varoma 11:2

Txizimu kha txa tshotsha vathu va txona, ava txi nga va ziva ngu kale. Mwendo mo va mi si ti zivi ati ti wombwako ngu Mibhalo, ti txi womba ngu Elija, mbimo yi a nga dila ka Txizimu, a txi mangalela va ka Israyeli, a txi khene:

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”

Genesisi 39:8

Kambe Josefa a to lamba, a txi gela wule wamsikati wa kata nyamne wakwe, a txi khene: “Ngako ni diho hawa, nyamne wangu kha vileli txilo ka totshe ti ti mahekako m'tini hawa kwakwe, asi vekile manzani kwangu sotshe asi si mlumbako.

Genesisi 21:26

Sekoko Abhimeleki a to mxamula, a txi khene: “Ani kha ni tizivi ti to i mani a nga maha toneto; awe khwa ni gela timhaketo, hambi ku tipfa va txi womba, kha na tipfa kala nyamsi.”

Varoma 1:13

Se vanathu, kha ni dhundi ku mi leka mi si ti zivi ti to sikhati sasingi ni akile makungo a ku mi endela kasi ku ta hapha mihando yokari hagari kwanu, nga ti ni nga ti maha ka mamwani matiko, aniko ni to khameka kala nyamsi.

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;