Vafilipiya 1:20 - Bhiblia Yo Sawuleka

²⁰ Madingano ni kuxuva ni kuthemba konako, ni pimisa ti to ni na mbi wiswa tingana ni ka kudotho, aniko ngu mhaka ya kotshe kutsana kwangu, konkuwa ni yotshe mbimo, Kristu a na dhumiswa ha mmidi kwangu, mwendo na hanya mwendo na fa.

Vafilipiya 1:20 Referans Kwoze

1 Pedro 4:16

Aniko, ngako a txi xaniswa ngu mhaka ya kuva i di dikholwa, a nga telwe ngu tingana, aniko a na pfalise Txizimu ngu mhaka ya ditina donedo.

1 Vakorinto 6:20

Nguko mi xavilwe ngu txuma txa hombe; dhumisani Txizimu koko mmidini kwanu, ni moyani kwanu, asi si lumbako Txizimu.

Isaya 54:4

U nga thave, nguko khu na mbiwa tingana; u nga ti thele tingana, nguko khu na mbi kanganyiswa; u na divala tingana ta wuphya wako, kambe khu na mbiswa u alakanya tingana ta wuphya wako.

1 Vatesalonika 5:23

Txizimu txa kudikha ngu wutumbu wa txona txi na mi basise ka sotshe, se wotshe wuthu wanu, m'hefemulo, moya, ni mmidi, zumbani mi di si veketile ngu fanelo kala kuwuyani ka Mkoma wathu Jesu Kristu.

1 Johani 2:28

Se kona kuwa anu sivanananana, zumbani kwakwe Kristu, kasi ku mbimo yi a no ti wonekisa, hi nava ni kuthemba ka hombe, hi si vi ni tingana, kuwuyani kwakwe.

Vafilipiya 2:17

Aniko, hambi idiku mnoha wangu wo theketwa ngu mphaxo wa mhamba, ni kuthumela likholo lanu, na nengela ni va ni tsaka kumweko ni nanu motshe;

Varoma 8:19

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.

2 Vakorinto 10:8

Hambi idiku no ti dhumisa ka kudotho ngu mhaka ya mtamo wu ni nga ningwa ngu Mkoma, kasiku ni txi mi aka, i si nga ku mi hasamula, na mi si wiswi tingana.

2 Vakorinto 4:10

txotshe txikhati hi rwate lifo la Jesu ha mmidi kwathu, kasiku wutomi wa Kristu ni wona wu txi tikomba ha mmidi kwathu.

1 Vakorinto 7:34

se a maneka a di bhandilwe. Wamsikati wu a nga mbi tekwa, kufana ni wu i ku ngadi mbiri, a khutalela si i ku sa Mkoma, kufela ku ti sawulekisa mmidi ni moya. Kasi awu a nga tekwa a khutalela sa ditiko, a txi maha ti ti sikotako kutsakisa mwamna wakwe.

Isaya 50:7

Nguko Mkoma Txizimu wa ni vhuna, ngu mhaka yeto kha ni kanganyiseki; ngu mhaka yeto ni khohe yangu ni yi mahile yi txi nga dirigwi, se na tiziva ti to kha ni na mbi wa tinganani.

Masalmo 119:116

Ni tsanise, nga ti u nga ni thembisa, se ni na hanya; u nga ni leke ni txi wa tinganani, nguko ani ni themba awe.

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Vafilipiya 1:14

Wungi wa vanathu, va nga tsaniswa ka Mkoma ngu mhaka ya kusungwa kwangu, va engetetwe kutsana ngutu ve huwelela Dipswi, na va si thavi txilo.

2 Vakorinto 7:14

Nguko, hambiko ni nga ti dhumisa kudotho ngu nganu, masoni ka Titosi, kha ta maneka to mi wisa tingana, kufana ni ku hi wombako ditshuri masoni kwanu, ngu toneto, ku ti dhumisa kwangu ngu nganu masoni ka Titosi ku manekile i di ditshuri.

2 Vakorinto 5:15

Ene a fete votshe, kasiku votshe va va hanyako, va si swi va txi ti hanyela vona ngu txawe, aniko ve hanyela awule a nga va fela, a txi tshumela e wuka ka vakufa ngu kota yawe.

1 Vakorinto 15:31

Vanathu, yotshe mbimo na fa, ngu mhaka ya kupfaliswa kuwa ni nga kumana kwanu, ngu ka Kristu Jesu Mkoma Wathu.

Varoma 9:33

nga ti ti nga bhalwa taku: “Ndiko na veka Siyoni dirigwi di di ku na va humba, txiwindi txi txi ku na va wisa; aniko awu a no kholwa ka dona dirigwi diya, kha na mbi wiswa tingana.”

Varoma 6:19

Ni womba ngu mawombawombelo a vathu ngu mhaka ya dikhodho da wuthu wanu. Ngako mi nga ningela sihango sanu si thumela wubihi ni kuonha, asi si hambanako ni kuranda ka Txizimu, se konkuwa ningelani sihango sanu si thumela kululama akuwa ku yisako kubasiswani.

Varoma 6:13

mi nga ningeleni sihango sanu kuonhani, si maha matxhari a ku ambi lulama, aniko ti ningeleni ka Txizimu, nga va va nga huma kufani, ve hanya, mi teka sihango sanu si maha matxhari a kululama, a kuthumela Txizimu.

Mithumo 21:13

Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Johani 21:19

Ene a wombile tiya, kasi kukombisa mxowo wa lifo li Pedro a no dhumisa ngu lona Txizimu. Msana ka mapswi awa, a to mu gela ku khene: “Ni londise!”

Mavingu 23:18

Nguko u na va ni magwito amanene; themba yako kha yi na mbi lova.

Mavingu 10:28

Themba ya vo lulama ngu litsako, aniko kuverela ka vo biha ku na lova.

Masalmo 119:80

Mbilu yangu yi nave ya kuhetiseka ngu kuvekisa milayo yako, kasiku ni si wi tinganani.

Masalmo 62:5

Moya wangu wu themba Txizimu dwe; kuthemba kwangu kuta ngu ka txona

Masalmo 25:2

Txizimu txangu, ni themba awe, u nga ni leke ni txi wiswa tingana. Hambi valala vangu va nga thuke va txi ni seka!

Mithumo 4:31

Ku ti ngako va di khongete, wukhalo wu va nga ti sengeletani ka wona, wu to dekadekiswa, se votshe ve tala ngu Moya wo Sawuleka, ve womba dipswi da Txizimu ngu kutsana.

2 Vakorinto 3:12

Ngu kota ya kuthemba ko ngeto, hi womba-womba hi di tsani msana.

2 Vakorinto 7:4

Na mi themba ngutu ta tinene, na ti guleta ngutu ngu nganu, ni tate ngu kuthavelelwa, ni tate ngu litsako ka sotshe sixaniso sathu.