Vafilipiya 1:12 - Bhiblia Yo Sawuleka

¹² Vanathu, ni lava ku mi tiziva ku ati ti nga ni humelela ti vhuni ngutu kutsimbitisa Evhangeli yi ya masoni:

Vafilipiya 1:12 Referans Kwoze

2 Timoti 2:9

ayi ni xanisekako ngu mhaka ya yona, ni za ni sungwa ngu tingomondo nga no va txigevenga, kambe dipswi da Txizimu kha di na kusungwa ngu tingomondo.

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Varoma 8:37

Aniko ka sotshelele siya, ha xula ka kupindisa ngu mtamo wa wule a nga hi randa.

Mithumo 8:4

Se avava va nga ti hangalakile va ti tsimbila ve nuwela dipswi da mahungu amanene.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Esteri 9:1

Se ka mtxima wa wugumi ni yimbidi, i ku mtxima wa Adhari, ka ditshiku da digumi ni mararu ka wona mtximewo, ku to hoka dipswi da mfumeli ni txileleto txakwe ti to si mahwa, ka ditshiku dile valala va Vajudha va nga ti ti verela ku va khozisa, ku to humelela to hambana, nguko Vajudha ngu vona va nga khozisa valala vawe.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Luka 21:13

Se eto ti na mi mahekela, kasi ku miva ni wufakazi.

Vafilipiya 1:5

ni txi khumbula txivhuno txi mi nga txi maha ka mhaka ya kuhangalasa Evhangeli, kukhukhela ka ditshiku do khata kala nyamsi.

Vafilipiya 1:7

Ti lulamile ngako ni txi alakanya toneto ngu mhaka yanu motshe, nguko nina ni nanu mbiluni kwangu, nguko mi patani ni nani ka kateko yangu, amu kusungwani kwangu, kumweko ni mu ka kulwela ni kutsanisa Evhangeli.

Vafilipiya 2:22

Kasi i di ene, anu ma yi ziva mithumo yakwe: Ene, nga mwanana wu a thumisanako ni tate wakwe, a thumile kumweko ni nani ka mthumo wa Evhangeli.

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Vafilipiya 4:15

Ma tiziva ta tinene, anu Vafilipiya, tito, kukhatani ka Evhangeli, mbimo yi ni nga khukha Makedhoniya, kuwalo dibanza ni da dimwedo di nga ti vhunana ni nani, amu ka kuninga ni mu ko amukela, hahanze kwanu kugwita.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.