Vafilipiya 1:10 - Bhiblia Yo Sawuleka

¹⁰ kasiku mi sikota kusawula ati i ku ta tinene ngutu, mi va mi di ni ditshuri ni wululami ka ditshiku da Kristu,

Vafilipiya 1:10 Referans Kwoze

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

1 Vatesalonika 3:13

Mkoma a na tsanise timbilu tanu amu ka wusawuleki wo mbina dikhwiti masoni ka Txizimu, Tate wathu, ngu mbimo ya kuta ka Mkoma wathu Jesu, kumweko ni votshe vasawuleki vakwe.

1 Vatesalonika 5:23

Txizimu txa kudikha ngu wutumbu wa txona txi na mi basise ka sotshe, se wotshe wuthu wanu, m'hefemulo, moya, ni mmidi, zumbani mi di si veketile ngu fanelo kala kuwuyani ka Mkoma wathu Jesu Kristu.

Varoma 2:18

awe u zivako kuranda ka txona, u zivako kuwona ti i ku ta lisima ngu ku u nga gondiswa ngu mlayo,

Vaefesu 5:10

Lavani ati ti tsakisako Mkoma.

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

Vafilipiya 1:6

Na themba ti to awule a nga khata mthumo wa wunene kwanu, a na wu hetisa kala kuhoka ka ditshiku da Jesu Kristu.

1 Vatesalonika 5:21

Kambe wonisisani sotshe, mi ñolisisa asi i ku sa sinene.

1 Vakorinto 1:8

i ku ene kambe a nota mi tsanisa kala kuza mi maneka mi di vo lulama ka ditshiku diya a nota ene Mkoma wathu Jesu Kristu.

Mtuletelo 2:2

Na yi ziva mithumo yako, kukhatala kwako ni kutimisela kwako, na tiziva ti to khu sikoti kupfana ni vathu vo biha; u va xote u txi va tumbula ava va nga ti ti womba ku mbaprofeti, na i si nga vona, u va woni ti to mba makuhu.

Vaefesu 5:27

kasiku a txi di emisa masoni kwakwe, i di Dibanza do tshura, adi di ku si nga ni sibawa mwendo tingonye, mwendo tximwani txo fana ni soneso; aniko di txi maneka i di do sawuleka, adi di ku si nga ni txionho.

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Matewu 16:23

Aniko ene a to tshembereka a txi khene ka Pedro: “Khukha hawa, Sathaniwe! Awe u txikhuvekiso kwangu, nguko khu pimisi ta Txizimu, kambe u pimisa ta vathu, dwe.”

Joxuwa 24:14

“Ngu mhaka yeto, thavani Mkoma, mi txi mkhozela ngu kuhetiseka, ni kuthembeka, tshotshani hahanze sizimu sa vatate vanu, va nga si khozela va di mtxhatuko ka mnambo wa Jordhani, ni niya Egipta, kambe khozelani Mkoma.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Matewu 26:33

Pedro a to angula, a txi khene: “Hambi votshe va txi khuveka ngu mhaka yako, ani kha ni na mbi khuvekiswa ni ka kudotho.”

Mika 3:2

Kwanu mi vengako wunene mi randa wubihi, mi thavisako didhowo dawe da txitimwi, ni nyama yawe txitimwi ka marambu awe,

Jobe 34:3

Nguko nzeve ya xola mapswi ku nga txisofu txipfako sakudya.

Jobe 12:11

Ina nzeve kha yi na kuxola mapswi, nga mkanani kupfako sakudya kani?

Genesisi 20:5

Abrahamu ngene a nga womba, a txi khene: ‘I ndiyangu’, ni nene wamsikati, e womba toneto, a txi khene: ‘I ndiyangu’. Ni mahile tiya ngu mbilu ya yinene ni manza o lulama.”

Vafilipiya 1:16

Avava va huwelela ngu lirando, na va txi ziva ti to ani ni vekilwe kasiku ni lwela Evhangeli,

Vaefesu 6:24

Makatekwa ma nave ni votshe va va randako Mkoma Wathu Jesu Kristu ngu lirando lo mbi onheka!

Vaefesu 4:15

Kambe, ngako hi txi londetela ditshuri ngu lirando, hi na kula ka totshe ngu kulondisa awule i ku msungo, ene Kristu.

Vagalatiya 5:11

Se ngako ani, vanathu, ni di ngadi ni txi gondisa ta wukwera, ngu kutxani ni ku ngadi ni txi xaniswa kani? Nguko, ngako i di toneto, kutxhumayela kwangu ngu ta txihambano, nga ku si khuvekisi m'thu.

2 Vakorinto 8:8

Kha ni wombi tiya ngu ku mi kurumeta, aniko ni lava ku mi duka ngu wunene wa vamwani, kasi kuwona wunene wa lirando lanu.

2 Vakorinto 6:3

Kha hi lavi kukhuvekisa m'thu ni wammweyo kufela ku mthumo wathu wu si solwi.

2 Vakorinto 2:17

Nguko athu kha hi fanani ni vamwani vathu vavangi, ava va mahako dibhindu do biha ngu dipswi da Txizimu. Aniko ngu txona Txizimu txi nga hi ruma. Se ngu toneto, hi womba-womba ha kubasani mapswi o tuletelwa ngu Txizimu, nga sithumi sa Kristu.

1 Vakorinto 10:32

Mi nga maheni txionho txo humba Vajudha, mwendo Vagriki, mwendo va Dibanza da Txizimu.

1 Vakorinto 8:13

Ngu toneto, ngako sakudya si txi khuvekisa mwanathu, ani kha ni na mbiswa ni txi dya nyama, kasiku ni si khuvekisi mwanathu.

Varoma 16:17

Se na mi kombela ti to mi ti wonela ka va va wusako kuhambana, ni sikhuvekiso, ve tsulupeta gondo yi mi nga gondiswa yona; mi nga pataneni navo.

Varoma 7:22

Nguko ni tsakela mlayo wa Txizimu ani ngu wutumbu wangu;

Varoma 7:16

Se ngako ni txi maha ti ni si ti dhundiko, na tumela ti to mlayo mbunene.

Mithumo 24:16

Ngu konaho, yotshe mbimo ni khutalako kutsimbila ngu nzila yo lulama masoni ka Txizimu ni ka vathu.”

Johani 3:20

Nguko wuhi ni wuhi a mahako kubiha a nyenyana ni kuwonekela, kambe kha ti kuwonekelani, kufela ku mithumo yakwe yi si landulwi.

Vafilipiya 2:16

mi humelelisa Dipswi da wutomi, eto ti nava i di kupfaliswa kwangu ka Ditshiku da Kristu, nguko ni na va ni sa tutuma ni kuthuma mahala.