Vafilipiya 1:1 - Bhiblia Yo Sawuleka

¹ Paulo ni Timoti, sithumi sa Jesu Kristu, hi bhalela va va nga sawuleka ngu ka Kristu Jesu, va ku Filipiya, kumweko ni vabhixopo ni vadhiyakoni vawe.

Vafilipiya 1:1 Referans Kwoze

2 Vakorinto 1:1

Ani Paulo, Mpostoli wa Jesu Kristu, ngu kuranda ka Txizimu, kumweko ni mwanathu Timoti, ha losa Dibanza da Txizimu di di ku Korinto, ni votshe vasawuleki va manekako ditikoni kotshe ka Akaya.

Varoma 1:1

Paulo, txithumi txa Jesu Kristu, a nga dhanwa kuva mpostoli, a nga sawulwa ti to e txhumayela Evhangeli ya Txizimu,

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

1 Timoti 3:8

Vadhiyakoni ni vona, kulaveka i di vathu vo xonipheka, i si nga va makuhu, va si ti ningeteliko wusukeni, i si nga vathumeli va mabhindu a tingana,

2 Vatesalonika 1:1

Paulo, ni Silivhano, ni Timoti, ka Dibanza da Vatesalonika, ava va lumbako Txizimu Tate wathu, ni Mkoma Jesu Kristu.

1 Vatesalonika 1:1

Paulo, ni Silivhano, ni Timoti, ka Dibanza da Vatesalonika, ava va lumbako Txizimu Tate, ni Mkoma Jesu Kristu. Kateko ni kudikha si nave ni nanu!

Vaefesu 1:1

Ani Paulo, mpostoli wa Jesu Kristu ngu kuranda ka Txizimu, ni bhalela vasawuleki va Efesu, va thembekako ngu ka Kristu Jesu;

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

1 Timoti 1:2

Ni bhalela Timoti, mwanana wangu wa ditshuri ngu mu ka likholo: Kateko ni wumbilu ni kudikha, si txi ta ngu ka Txizimu Tate ni ka Kristu Jesu Mkoma wathu.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Mtuletelo 1:1

Awuwa i Mtuletelo wa Jesu Kristu, awu Txizimu txi nga mninga, kasiku e kombisa ka sithumi sakwe ati ti fanelako kumaheka kunukunukuwa. Kristu a zivisile timhaka tiya ngu kurumela ngelozi yakwe ka txithumi txakwe Johani,

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

1 Pedro 2:25

Nguko, mi ti ti fana ni tinvuta ta kuhangalaka, aniko akuwa mi tshumete mi wuya ka M'dyisi ni Muwoneleti wa mimoya yanu.

Titosi 1:7

Mthangeli wa dibanza a fanete kuva a si nga ni txisolo, ngako i ku muwoneleli wa Txizimu; kulaveka i si nga wo tikulisa, a si nga ni txihenyisani, i si nga disela, i si nga muwusi wa mazunga, a si nga ni timbiti ta dibhindu do mbi lulama.

Vahebheru 13:23

Zumbani mi txi tiziva ti to mwanathu Timoti a humisilwe mkorani. Ni txi kuluveta kukhukha, ni nata nayo ni ta mi wona.

2 Vatesalonika 1:10

mbimo yi a nota ka edo ditshiku, kasi ku ta dhumiswa hagari ka vasawuleki vakwe, ni ku ta xamalwa hagari ka vale va nga kholwa kwakwe, kufana ni nanu mi nga amukela wufakazi wathu.

1 Vatesalonika 2:2

Aniko, hambiko hi nga thanga ngu kuxaniseka ni kuruketelwa aniya Filipiya, nga ti mi ti zivisako tona, Txizimu txathu txi hi ningile mtamo wa ku mi txhumayela Evhangeli yi yi tako ngu ka txona, hagari ka kulwa ka hombe.

Vaefesu 1:15

Ngu toneto, nani, txima ni pfa mhaka ya kukholwa kwanu ka Mkoma Jesu ni lirando lanu ka vasawuleki votshe,

1 Vakorinto 16:10

Ngako Timoti a txi mi tela, ti lulamiseleni, kasiku asi ta va ni kuthava txilo, nguko nene wa khutala mthumoni, ka Mkoma, kufana ni nani.

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Mithumo 9:13

Kambe Ananiya a to xamula, a txi khene: “Mkoma, ni engisile vathu votala, va txi womba-womba ngu m'thu wuwa, ve xawutela wotshe wubihi wu a nga wu maha ka vasawuleki vako va Jerusalema.

Johani 12:26

Ngako m'thu a txi lava ku ni thumela, a na ni londise, se ahawa ani ni ku kona, nene wule a ni thumelako a na va a di konaho. Se ngako m'thu a txi ni thumela, Tate wangu a na mu dhumisa.”

Marku 13:34

Nguko ti fana ni m'thu wu a nga maha dipfhumba. Mbimo yi a nga khukha ha m'tini, a ningile mtamo ka sithumi sakwe, mmwani ni mmwani a txi mninga mthumo wakwe, se e leleta ni muwoneleti wa ha txikeni ti to e wonisisa.

Mtuletelo 22:9

Kambe yi to ni tsimba yi txi kha yona: “Lambi! U nga mahe eto! Nani ni txithumi kufana ni nawe, ni vakakwanu, vaprofeti, ni kufana ni vale va veketako mapswi a dibhuku diya. Txizimu ngu txona u fanelako ku txi khozela!”

Mtuletelo 2:12

Ka ngelozi ya dibanza da Pergamo, bhala u txi khawe: “A womba tiya awule a ku ni ditxhari do hinda, da kulotwa khe ni khe.

Mtuletelo 2:8

Ka ngelozi ya Dibanza da Esmirna, bhala u txi khawe: “A womba tiya awule wo khata ni kugwitisa, awule a nga ti fite, se e tshumela e hanya.

Mtuletelo 1:20

Ngu mhaka ya msisalo wa mtxhanu wa tinyeleti ni timbidi, u nga ti wona ka dianza dangu da txinene ni mtxhanu wa sipande ni simbidi, sa nzalama, eto ti womba tiya: Tinyeleti ta mtxhanu ni timbidi, ndingelozi ta mabanza a mtxhanu ni mambidi, ani mtxhanu wa sipande ni simbidi i mabanza a mtxhanu ni mambidi.

Mithumo 1:20

Nguko dibhukuni ka Masalmo, kubhatwe taku: ‘M'ti wakwe wu na maha dirumbi; kha ku na mbi ngadi ku va ni m'thu wu a zumbako kona.’ ‘Se mmwani a na teke txikhunja txakwe.’

Vagalatiya 1:10

Ina no lava kudhumiswa ngu m'thu kani, mwendo kudhumiswa ngu Txizimu, kani? Mwendo no lava kutsakisa vathu kani? Idiku ni ngadi ni txi dhunda kutsakisa vathu, nga ni si fanekelwi ngu kuthumela Kristu.

Vagalatiya 3:26

Nguko anu motshe mi vanana va Txizimu ngu kukholwa ka Kristu Jesu.

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

Vaefesu 6:24

Makatekwa ma nave ni votshe va va randako Mkoma Wathu Jesu Kristu ngu lirando lo mbi onheka!

Vafilipiya 2:5

Hagari kwanu, kulaveka mi zumba mi di ni mapimo a Kristu Jesu:

Vafilipiya 2:19

Na themba ngu ka Mkoma Jesu ti to ni na mi rumela Timoti, kasiku nani ni mana kutsaniswa ngu kuamukela mahungu a wutomi wanu.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Vafilipiya 3:12

Hi nga ti to ni hetile mthumo, mwendo kumana wusawuleki, aniko na khutala ni txi ya masoni ka nzila yangu, kasiku mwendo ni nga mana kuhetiseka, nga ti nani ni nga manwa ngu Kristu Jesu.

Filimoni 1:1

Ani Paulo, txibotxhwa ngu mhaka ya Jesu Kristu, ni mwanathu Timoti, hi bhalela awe Filimoni, m'vhuneteli wathu wo randeka ngutu,