Vaefesu 6:3 - Bhiblia Yo Sawuleka

³ kasiku u na kateka u txi hanya mbimo yo lapha ha mafuni.

Vaefesu 6:3 Referans Kwoze

Dhewuteronome 5:16

Thava tate wako ni mame wako, nga ti Mkoma, Txizimu txako, a nga kuleleta, kasi masiku ako ma na anda ni nawe u na kateka, ka ditiko di Mkoma, Txizimu txako, a no kuninga.

Dhewuteronome 4:40

Xayisa sirumo sakwe ni milayo yakwe, ayi nyamsi ni ku leletako, kasi ku totshe ti txi tsimbila kwati kwako ni ka vanana vako, msana kwako, masiku ako ma txi anda ha ditikoni, adi Mkoma, Txizimu txako, a no kuninga, di txi maha dako, kala kupinduka.”

Dhewuteronome 12:28

Vekisa ni kuxayisa otshe mapswi awa ni ku leletako ona, kasi ku u na mana kuzumbiseka ta tinene, awe ni vanana vako msana kwako, ngu mbimo yotshe, ngako u txi maha ati i ku ta tinene, ni ti i ku to lulama masoni ka Mkoma, Txizimu txako.

Dhewuteronome 12:25

U nga wu dye, kasi ku u na mana kuzumbiseka ta tinene, kumweko ni vanana vako, msana kwako, ngako u txi maha ti i ku to lulama masoni ka Mkoma.

Dhewuteronome 6:3

Ngu toneto, awe Israyeli, engisa u txi khutalela kuvekisa milayo yiya, u na mana kukateka, kambe u na anda ngutu, ka ditiko di di khulungako masi ni wulombe, nga ti a nga kugela Mkoma, Txizimu txa vatate vako.

Dhewuteronome 22:7

u nga sikota kuteka mavhondo a kona, aniko mame wa kona u na mleka, e txhatxheka, a txi tsula. Ngu toneto, u na kateka, ni masiku ako ma na anda.

Jeremiya 42:6

Hambi i di ta tinene, mwendo to biha, titako ngu ka Mkoma, Txizimu txathu, awu hi kurumako kwakwe, hi na ti londisa, kasi hi txi na humelela kha kwati, hi londisa dipswi da Mkoma, Txizimu txathu.

Isaya 3:10

Gelani va vo lulama ti to va katekile, nguko va na dya mihando ya mithumo yawe.

Rute 3:1

Se masale wa kona Nowemi a to khene: “Mwanangu, ina kha ti laveki ti to ni txi ku lavela wukhalo wo humula ka wona, kasiku u txi zumbiseka kani?

Dhewuteronome 6:18

U na maha ati i ku to lulama, ni ti i ku ta tinene masoni ka Mkoma, kasi ku u na zumbiseka kala kuza u txi wulela ka ditiko da dinene, adi Mkoma a nga thembisa ngu kuxambanya ka vatate vako,

Dhewuteronome 5:33

“Mi na tsimbila ngu yotshe nzila yi Mkoma, Txizimu txanu, a nga mi leleta, kasi ku mi txi hanya, mi di katekile, ni ti to masiku anu ma txi anda, ka ditiko di mi no ya di teka, di txi maha danu.”

Jeremiya 35:7

Mi nga dhuki mi aka tinyumba, mi nga phayeni timbewu, mi nga phayeni mivhina, hambi ku va naso; aniko mi na zumba matendani, masiku anu otshe, kasi mi txi na hanya masiku o tala, ka ditiko di mi luvelako ka dona.

Vaefesu 6:2

“Thava tate wako ni mame wako, ngu txona txirumo txo khata txi ku ni txithembiso,

Vaefesu 6:4

Nananu vaveleki, mi nga henyiseni vanana vanu, aniko va kuliseni ngu ku va laya ngu sileleto ni tigondo ta Mkoma.”