Vaefesu 6:12 - Bhiblia Yo Sawuleka

¹² nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.

Vaefesu 6:12 Referans Kwoze

Vakolosa 1:13

Ene a hi ponisile ka txidema, a txi hi rurisa hi txi ya mfumoni ka Mwanana wakwe wo randeka,

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.

Vakolosa 2:15

Kristu a fuvisile mtamo wa mimoya ya wunduna ni wukoma, e yi xowokisa masoni ka vathu, e yi xula ko gwitisa ngu txihambano.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Vaefesu 1:21

txitimwi ka votshe va va nga ningwa kufuma ni mtamo ni wuhombe ni wukoma, ni txitimwi ka otshe matina awa ma khumbukwako ka txikhati txa nyamsi ni txa mbimo yi yi tako.

Varoma 8:38

Nguko na themba ti to hambi lifo, hambi wutomi, hambi tingelozi, hambi mifumo, hambi timbimo ta nyamsi, hambi timbimo ti titako, hambi wukoma,

Vaefesu 3:10

kasiku wu txi ziviswa konkuwa ka mimoya ya wuthangeli ni ya wukoma wa madhawa a nzumani, ngu kona hawa ka mthumo wa Dibanza, wutxhari wa tixaka to tala wa Txizimu,

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

1 Vakorinto 15:50

Ati ni wombako tona, vanathu, ni khani: Mmidi ni mnoha kha si na mbi dya thomba ya Mfumo wa Txizimu, hambi kusina kha ku na mbi dya thomba ya si si si siniko.

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

Johani 14:30

Kha ni na mbi womba-womba to tala ni nanu, nguko awu a fumako, wa mafu awa wata. Kambe kha nga ni mtamo wa txilo txitimwi kwangu.

Johani 12:31

Se ngu yona yiya mbimo ya kulamulwa ka ditiko. Ngu kona a no tovelwa mfumi wa mafu awa.

Johani 16:11

ngu ka kuabanisa, nguko mfumeli wa mafu awa se a abanisilwe.

Jobe 2:2

Sekoko Mkoma a to khene ka Sathani: U ta ngu hani kani? Sathani a to xamula ka Mkoma, a txi khene: No horolokela ha mafuni ni tsimbila-tsimbila ka ona.

Luka 22:53

Ka otshe masiku awa ni nga ti ni nanu Dithepeleni, kha ma ni gwesa ngu manza anu, aniko atxiya ngu txona txikhati txanu ni mfumo wa txidema.”

Luka 13:24

Ene a mu xamute a txi khene: “Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota.

2 Timoti 2:5

Kufana ni toneto, amu ka mapalisana a kulwa, ndena ya kulwa kha yi amukeli m'bhoti, ngako yi sa lwa ngu tifanelo ti ti lavekako.

Matewu 16:17

Jesu a to mu xamula a txi khene: “U katekile, Simoni, mwana Jona, nguko hi nga m'thu wa ha mafuni a nga kukombekisa eto, aniko i Tate wangu a ku nzumani.

Vahebheru 12:4

Anu kha mi nzi kulwa ni txionho, aha koza mi theketa mnoha.

Vagalatiya 1:16

mbimo yoneyo ti nga tsakisa Txizimu ku ni tulela kuziva Mwanana wa txona, kasiku ni mpfalisa hagari ka vamatiko, kha na wotisa m'thu,

Marku 4:19

kambe kukhutalela sa mafu awa, ni kukanganyiswa ngu tithomba, ni kunavela ka silo simwani, ku txi welela vona, ku txi kura dipswi, se di si veki mihando.

2 Vakorinto 11:14

Kha ti xamalisi! Nguko, hambi Sathani wa txitxa e teka m'bala wa ngelozi ya liwoningo.