Vaefesu 6:1 - Bhiblia Yo Sawuleka

¹ Anu vanana, engisani vaveleki vanu, nguko eto ti lulamile masoni ka Mkoma.

Vaefesu 6:1 Referans Kwoze

Mavingu 23:22

Engisa tate wako wule a nga kuveleka, kambe u nga txhipise mwamwako mbimo yile a no kumba.

Mavingu 6:20

Mwanangu, vekisa txirumo txa tate wako, kambe u nga leke mlayo wa mwamwako.

Mavingu 1:8

Mwanangu, engisa gondo ya tate wako, kambe u nga leke sileleto sa mwamwako.

Dhewuteronome 21:18

Ngako m'thu wokari a di ni mwanana wa txihwiri, a di ni kanu, asi engisiko tate wakwe ni mame wakwe, awu waku, hambi va txi mlaya, kha khatali;

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

1 Timoti 5:4

Nguko, ngako msikati wa noni a di ni vanana mwendo vatukulu, ti lumba vona kuthanga ve komba txithavo ka vaveleki vawe, ni ku va tshumetela asi va nga si amukela kwawe. Atiya ngu tona ti tsakisako masoni ka Txizimu.

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Varoma 7:12

I di mlayo wu sawulekile, ni mthetho ni wona wu sawulekile, wu lulamile, kambe mbunene.

Luka 2:51

Sekoko ene a to relela navo, e tsula Nazareta, kambe a txi ti veka hahatshi kwawe. Se mame wakwe a txi ti veketa totshe timhaka tiya mbiluni kwakwe.

Jobe 33:27

A na wona vathu, a txi khene: Ni onhile, ni ndakile mlayo, aniko kha ta ni vhuna txilo.

1 Pedro 2:13

Ngu mhaka ya Mkoma, ti vekeni hahatshi ka milayo ya wukoma wa ha mafuni: Ka mfumeli, ni ka wa hombe,

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Mavingu 30:11

Ku ni liveleko li rukako tate wa lona, kambe li si dhundiko mwamwa lona.

Genesisi 28:7

Jakobe a to engisa milayo ya tate wakwe ni ya mame wakwe, se e khukha a txi ya Padhani-Aramu.

Masalmo 19:8

Sirumo sa Mkoma nzo lulama; sa ninga litsako mbiluni. Sirumo sa Mkoma nzo lulama; sa woninga mapimo.

Esteri 2:20

Kambe Esteri a sanzi kuwomba txibongo txakwe hambi lixaka lakwe, madingano ni tile Mordhekayi a nga ti mlayisile tona; nguko Esteri a ti ti londeta mlayo wa Mordhekayi, kufana ni mbimo yile a nga mwunja ngu yona.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Varoma 16:2

mi mu amukela ngu ditina da Mkoma, nga ti ti fanelako vasawuleki, mi m'vhuna ka sotshe si a no si lava kwanu, nguko nene a vhuni va votala, hambi ani a ni vhuni.

Masalmo 119:75

Mkoma, ani na tiziva ti to mithetho yako nja yinene khu hoxisi, ngako u txi ni tsayisa.

Genesisi 37:13

Israyeli a to womba ka Josefa a txi khene: “Vakomwako va tsute Sikemi, va txi ya dyisela kona mitxhambi. Ngono, ni na kuruma kwakwe.” Se Josefa a to xamula, a txi khene: “Ni ti lulamisete.”

Jeremiya 35:14

Timhaka ta Jonadhabhe, mwana Rekabhi, ati a nga laya vanana vakwe ti to va si seli vhinya, va ti xayisile; kha va sela kala ni nyamsi kuwa; nguko va engisile mlayo wa tate wawe; ani koko nitako ni txi womba kwanu, ni phindula ni mi gela, aniko anu, kha ma ni engisa.

Nehemiya 9:13

U txhikile txitimwi ka mmango wa Sinayi, u womba-womba navo u di nzumani, u va ningile wululamo wa wunene ni milayo ya ditshuri, sileleto ni sirumo sa sinene.

1 Samuwele 17:20

Sekoko Dhavhidha a to wuka ni mixo ngutu, e siya tinvuta takwe ni mwoleleli wokari, se e teka mrwalo wakwe e tsula, madingano ni ti Jese a nga mu leletisa tona; se a to hoka ka wukhalo wa sikotxikani, mbimo yile dibutho da yimbi di nga ti ti longisela kuya kulwani, na di txi embelela tindando ta yimbi.

Masalmo 119:128

Ngu toneto, na dhunda sileleto sako na nyenya totshe tinzila ta makuhu.

Rute 3:5

Se Rute a to mxamula a txi khene: “Ni na maha totshe ti u ni gelako.”

Jeremiya 35:8

Hi engisile dipswi da Jonadhabhe, tate wathu ka totshe ti a nga hi laya ka tona; ti taku hi si seli vhinya ni ditshiku dimwedo, athu ni vasikati vathu, ni vanana vathu va txiwamna ni va txisikati;

Jeremiya 35:18

Se ka nyumba ya va ka Rekabhi, Jeremiya a ti khene: Mkoma wa Mabutho a Tiyimbi, Txizimu txa ka Israyeli, a womba tiya: Ngako mi nga engisa sirumo sa Jonadhabhe, tate wanu, mi txi xayisa yotshe milayo yakwe, ni kumaha totshe ti a nga mi leleta,

Genesisi 48:12

Sekoko Josefa a to va thavisa ha mathumbini ka tate wakwe, a txi khizama masoni kwakwe ni kutinamisa hahatshi.

Genesisi 50:12

Vanana va Jakobe va mahisile ti ene a nga va gelisa tona.