Jesu a to tshumela a txi womba-womba ni vathu, a txi va gela ku khene: “Ani ni liwoningo la ditiko. Awu a ni londisako, kha tsimbili txidemani, kambe a na va ni kuwonekela ka wutomi.”
Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.
Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”
Ngako mi di ngadi ni liwoningo, kholwani ka liwoningo, mi na phinduka mi va vanana va liwoningo.” Msana ka kuwomba timhaka tiya, Jesu a to khukha kwawe, eya sisala.
Vathu va va nga ti tsimbila txidemani, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.
asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.
Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.
Dhumisani Mkoma, Txizimu txanu, na ku si se maha txidema, mikondo yanu yi si se humbwa mimangoni ko phuma; mi txi ngadi mi verela liwoningo a na li phemberusa li maha mtsudi wa kufa, ni txidema txo phindeletisa kuphuma.
Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.
Ngu konaho, nyamne wa tithomba a xamate wutxhari wa muwoneleti wule wo biha, nguko vanana va ditiko diya, va txharihile ngutu amu ka kuthumisana ni va liveleko lakwe, kupinda vanana va liwoningo.”
nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.
Athu hotshethu hi wonako kuphatima ka Mkoma ngu maso o mbi fenengetwa, hi txi wonekisa kuphatima ka Mkoma kufana ni txibuko, hi txi hunduluswa hi fana nayo, hi longoloka ngu kuphatima kumweko ni kwakwe, aku ku engetelwako ngu mtamo wakwe Mkoma, i ku Moya.
Mi nga sungweni ha dikangeni kumweko ni va va si kholwiko. Nguko wusengeli muni wu kuho hagari ka kululama ni kubiha kani? Mwendo wusengeli muni wu kuho hagari ka liwoningo ni txidema kani?
Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;
vathu va va nga ti zumbile ditikoni ka kuphuma, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.”
kasi ku txi khawe ka vale vo sungwa: Humani; se ni ka vale va ku txidemani, u txi khawe: Ti wonekiseni. Vona va na dyisela tinzilani, ni ka otshe makhalo o guleka va na mana wudyiselo wawe.
Nguko, hambi va di txi zivile Txizimu, kha va txi dhumisa kota nga Txizimu; hambi ni ku txi bonga kha va txi bonga; kambe va to pengiswa ve yiswa ka ta walo ngu mialakanyo yawe; se timbilu tawe ti pwata wutxhari, ti zumba mtemani.
A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.
Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.
Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.
Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.
I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.
Se Jesu a to va xamula a txi khene: “Liwoningo li ngadi ni nanu ngu mbimoanyana. Tsimbilani mi di ngadi ni liwoningo, kasiku txidema txi si mi mani, nguko awu a tsimbilako txidemani, kha kuzivi amu a yako kona.