Vaefesu 5:6 - Bhiblia Yo Sawuleka

⁶ M'thu a nga thuke e mi kanganyisa ngu mapswi o mbi vhuna txilo, nguko simaha siya si dhana kuhenya ka Txizimu.

Vaefesu 5:6 Referans Kwoze

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Matewu 24:4

Jesu a to va xamula a txi khene: “Ti woneleni kasiku mi si timetwi ngu m'thu.

Vakolosa 2:8

Ti woneleni kasiku ni wammweyo asi mi mahi tikhumbi ngu mawombelo a marindi a wutxhari wa vathu, ngu kulondetela siheno sa vathu ni mtumbuluko wa mafu, i si nga ngu Mlayo wa Kristu.

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

Vakolosa 3:6

Asiya ngu sona si dhanako kuhenya ka Txizimu, ka va va eyisako,

Marku 13:5

Jesu a to khata ku va gela a txi khene: “Ti woneleni ti to mi si thuki mi wongwa ngu m'thu.

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

1 Pedro 2:8

Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.

2 Vatesalonika 2:3

Mi nga thuke mi txi kanganyiswa ni ka kudhoto ngu m'thu, nguko ku sinzi kumaha eto, kuthanga ku na vaho kutshumelela msana, ni kuwoneka ka m'thu wa txionho, mwanana wa kulova,

Vakolosa 2:4

Ni womba tiya kasiku ni wammweyo asi mi kanganyisi ngu mapswi o dyelela.

Marku 13:22

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

Vakolosa 2:18

M'thu a nga thuke e mi tekela hakhelo yanu ngu kutsakela wukhozeli wa makuhu ni kukhizamela tingelozi ngu kukholwa ngutu ka miloro yakwe, a txi ti guleta ngu sa walo, ngu mialakanyo yakwe ya ta mmidi;

Masalmo 78:31

Txiviti txa Txizimu txi to va wela txitimwi txi daya tindena tawe; txi date vathu vo xonipheka va ka Israyeli!

Vahebheru 3:19

Se ngu toneto, ha ti wona ti to va tandekile kuwulela ngu mhaka ya ku ambi kholwa kwawe.

Mika 3:5

A womba tiya Mkoma ka vaprofeti, va va timetako vathu vangu, va va lumako ngu makwasa awe va txi kha vona: Kuthutha! Se awule asi va kovetisiko txilo mkanani, va mxomela yimbi.

Jeremiya 29:31

Rumela dipswi ka votshe va ku wukhumbini, u txi khawe: Mkoma a khene xungetano ngu Semaya wa niya Nehelame: Nga kule Semaya a nga profeta kwanu ni sa mruma, a txi mi maha mi themba makuhu.

2 Vafumeli 18:20

(Ina hi nga mapswi a txisofu dwe onayo): U longile kuwulela kulwani kani? Se kona kuwa u themba txani, aku u pharelako kwangu kani?

Jeremiya 27:9

Ngu konaho, mi nga dhuke mi txi engisa vaprofeti vanu, ni vale vo hutetela, ni miloro yanu, ni mitimu yanu, hambi matiloti anu, ngako va txi womba kwanu, va txi kha vona: Mi nga thumeleni mfumeli wa Bhabhilona!

Jeremiya 37:9

Mkoma a khene: Mi nga ti kanganyiseni, mi txi khanu: Vakaldheya va na khukha hagari kwathu, nguko kha va na mbi khukha.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.