Vaefesu 5:23 - Bhiblia Yo Sawuleka

²³ nguko wamwamna ngene i ku msungo wa wamsikati, kota nga ti Kristu nene i ku msungo wa Dibanza ni muhanyisi wa mmidi.

Vaefesu 5:23 Referans Kwoze

Vakolosa 1:18

Ene i Msungo wa Dibanza i ku Mmidi wakwe. Ene i makhato, i matiwula a votshe vava va wukako ngu ka vafi; ngu toneto a mani wuthangeli ka sotshe simaha.

Vaefesu 4:15

Kambe, ngako hi txi londetela ditshuri ngu lirando, hi na kula ka totshe ngu kulondisa awule i ku msungo, ene Kristu.

1 Vatesalonika 1:10

mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

1 Vakorinto 6:13

Sakudya si lumba mrumbu, mrumbu wu lumba sakudya, aniko Txizimu txi na fuvisa sakudya, ni mrumbu. Mmidi wathu hi nga wa wugelegele; mmidi wathu wu lumba Mkoma. Mkoma nene a lumba wona mmidi.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Vaefesu 5:24

Se kota nga kuwa Dibanza di engisako Kristu, ni vona vavasikati va na engise vamna vawe ka totshe timhaka.

Mtuletelo 19:7

He nengeleni hi txi tsaka ngutu, hi txi pfalisa Txizimu, nguko yi hokile mbimo ya ntxhadho wa Txinvutana. Txiwutwa txa Txinvutana, txi ti lulamisete: