Vaefesu 5:21 - Bhiblia Yo Sawuleka

²¹ Xoniphanani ngu txithavo ka Kristu.

Vaefesu 5:21 Referans Kwoze

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Vaefesu 5:24

Se kota nga kuwa Dibanza di engisako Kristu, ni vona vavasikati va na engise vamna vawe ka totshe timhaka.

Vaefesu 5:22

Anu vavasikati, engisani vamna vanu, kota nga ti mi engisisako tona Mkoma;

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

1 Pedro 2:17

Vekani txithavo ka votshe vathu. Randani kuhanyelana. Thavani Txizimu. Thavani mfumeli.

1 Timoti 3:4

Kulaveka a txi ziva kuxayisa ta tinene m'ti wakwe apune, a txi ziva kugondisa vanana vakwe kuengisa ngu fanelo yi yi lavekako.

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

1 Timoti 2:11

Kugondiswani, wamsikati a na zumbe a di malate, e ti veka hahatshi ta tinene.

1 Vakorinto 16:16

Ti ningeteleni na nanu ka vathu vo nga toneto ni ka votshe va va thumako ni kuxaniseka navo.

Mavingu 24:21

Mwanangu, thava Mkoma, ni mfumeli, kambe u nga ti wulete ka vale va lavako kuwusa kulwa.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

2 Makronika 19:7

Konkuwa koko, thavani Mkoma, mi vekisa ni kuxayisa sileleto sakwe nguko kha ku na kukanganyisa ka Mkoma Txizimu txathu, hambi kuya ngu khohe ya m'thu, hambi kuamukela simaha.

1 Pedro 2:13

Ngu mhaka ya Mkoma, ti vekeni hahatshi ka milayo ya wukoma wa ha mafuni: Ka mfumeli, ni ka wa hombe,

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

1 Makronika 29:24

Se votshe vathangeli ni vahombe, kala ka votshe vanana va mfumeli Dhavhidha va to ti veka hahatshi ka mfumeli Solomoni.

Genesisi 16:9

Sekoko Ngelozi ya Mkoma yi m'gete yi txi kha yona: “Tshumela u txi ya ka nyamne wako, u txi ya mthumela ngu kutiveka hahatshi.”

2 Vakorinto 5:11

Ngu konaho, ngako hi zivako kuthisa ka Mkoma, ha khongotela ti to vathu ve kholwa ka Txizimu, txona txa tiziva kha kwati ati hi nga zumbisa tona, kambe na kholwa ti to ha zivaneka kha kwati ni kona livhaloni kwanu.