Vaefesu 4:4 - Bhiblia Yo Sawuleka

⁴ Ku ni mmidi wumwewo ni moya wumwewo, kota nga ti i ku txithembo tximwetxo, atxiya nanu mi nga dhanelwa txona.

Vaefesu 4:4 Referans Kwoze

Vaefesu 2:18

Ngu toneto, ngu mtamo wa Jesu, hotshethu vathu va tixaka tiya ta timbidi ha mana kuamukelwa ngu Tate ka wonewo Moya wawumwewo.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

1 Vakorinto 12:20

Ati i ku tona, sihango nza singi, kambe mmidi mbumwewo.

Vakolosa 1:5

ngu mhaka ya kuthemba ku mi nga vekelwa kona nzumani, kuthemba ku mi nga ziviswa kona ngu dipswi da ditshuri, i ku Evhangeli,

Vaefesu 5:30

nguko athu hi sihango sa mmidi wakwe.

1 Johani 3:3

Wuhi ni wuhi a ku ni txithembo txiya ni nene, wa ti sawulekisa apune, nga ti nene Jesu i ku wo sawuleka.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

Vakolosa 3:15

Timbiluni kwanu ku na fume kudikha ka Kristu, eko mi nga dhanelwa kona; kasi ku ta maha mmidi wumwewo; kombisani kubonga kwanu.

Vaefesu 2:22

Kwakwe kambe, nanu mi akilwe kumweko ni vamwani, mi maha nyumba ya kuzumba Txizimu ngu Moya wa tona.

Vaefesu 2:16

Ngu mtamo wa txihambano, a va tshanganisile ni Txizimu vathu va tixaka tile ta timbidi, a di va mahile Mmidi wumwewo, a txi fuvisa livengo.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Jeremiya 14:8

Awe u kuthemba ya Israyeli, Muhanyisi wathu ka mbimo ya sikarato, ngu kutxani u txi nga u wa matiko ditikoni, nga muendi wu a hambukako kasi e fungala wusiku wumwewo kani?

Titosi 3:7

Txizimu txi mahile tiya kasi ku hi txi mahwa valulami ngu mtamo wa kateko ya txona, ni kumahwa vadyi va thomba ya wutomi wo mbi guma, awu hi wu rinzelako.

1 Timoti 1:1

Ani Paulo, mpostoli wa Jesu Kristu ngu kurumwa ngu Txizimu Muhanyisi wathu, ni kurumwa ngu Jesu Kristu, txithembo txathu:

1 Vakorinto 10:17

Se ngako dipawu i ku dimwedo, hotshethu, hambiko hi ku vangi, hi wumba mmidi wumwewo, nguko hotshe hi abana dona dipawu dile da dimwedo.

2 Vakorinto 11:4

Nguko, ngako a txi ta m'thu kwanu, a txi ta womba-womba ngu Jesu, wo hambana ni wu hi nga mi txhumayela athu, mwendo Moya wo hambana ni wu mi nga wu amukela, mwendo Evhangeli yo hambana ni yi mi nga yi amukela, anu ma mu amukela ngu nzila yo xamalisa.

Mithumo 15:11

Na kasi ha kholwa ti to hi hanyiswa ngu kateko ya Mkoma Jesu, nga tona ti ni vona va kholwisako tona.”

Jeremiya 17:7

A katekile m'thu wu a thembako Mkoma, awu kuthemba kwakwe i ku Mkoma.

Varoma 11:29

Kasi siningo sa Txizimu ni kudhanwa ngu txona kha si na kutshumelela msana.

Masalmo 122:8

Ngu lirando ka vanathu ni vangana vangu, ni na khani: “Kudikha ku nave ni nawe!”