Vaefesu 4:26 - Bhiblia Yo Sawuleka

²⁶ Ngako mi txi henya, mi nga onheni; ditambo di nga swe mi di ngadi henyile.

Vaefesu 4:26 Referans Kwoze

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Masalmo 4:4

Dhudhumelani kambe mi nga goheni. Wombawombani ngu mbilu mi di malate mi txi otela matahoni kwanu.

Masalmo 37:8

Leka kuhenya, u nga zumbe ni dikhulo; u nga henye, nguko eto ti va nga kubiha dwe.

Ekleziyaste 7:9

U nga kuluvete kuhenya moyani kwako, nguko kuhenya kuzumba hagari ka siphukuphuku.

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Mitengo 20:24

Kukhukhela kuwa, Aroni a na ya ti tshanganisa ni va ka kwawe, nguko ene kha na mbi sikota kuya wulela ka ditiko di ni nga ningela ka vanana va ka Israyeli; nguko mi kanetile dipswi dangu, a ni ka mati ka Meribha.

Marku 10:14

Aniko Jesu, mbimo yi a nga wona tiya, a to henya, a txi khene: “Lekani sivananana si txi ta kwangu, mi nga si tsimbiseni, nguko Mfumo wa Txizimu wu lumba ava vo nga tiya.

Mavingu 25:23

Moya wa wuphemba wa tisa nzuma yina, se lidimi lo kanganyisa, li thuvikisa khohe.

Eksodha 11:8

Sekoko sotshe sithumi siya sako, si nata si txi ta khizama masoni kwangu, va txi kha vona: Huma, awe ni vathu vako votshe ava va ku lodetako. Ngu msana ka toneto ni na huma ni tsula.” Se Mosi a to khukha masoni ka Faro, na a di henyile ngutu.

Dhewuteronome 24:15

U na mninga hakhelo yakwe ka ditshiku donedo, di sanzi kuswa ditambo, nguko ene njisiwana, a themba yona hakeloyo: A nga dila ka Mkoma ngu mhaka yako, se awe u txi mana mnandu.

Jakobe 1:20

Nguko, kuhenya ka m'thu kha ku mahi kululama ka Txizimu.

1 Samuwele 20:34

Ngu toneto, Jonatani ngu henya ngutu, a to khukha ha mezani, e tshukula ni sakudya ngu ditshiku da wumbidi da kumeka ka mtxima wa wuphya; nguko a ti ti pandiseka ngu mhaka ya Dhavhidha, ngu kule tate wakwe a nga ti mxanisile.