Vaefesu 4:25 - Bhiblia Yo Sawuleka

²⁵ Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Vaefesu 4:25 Referans Kwoze

Vakolosa 3:9

Mi nga hembelaneni, nguko mi xivite m'thu wa kale ni hanyelo yakwe;

Zakariya 8:16

Ati mi dinganako kumaha tona ngu tiya: Wombawombani ditshuri mmwani ni mmwani ka mkwawe, lamulani ngu ditshuri ni kudikha sikenini kwanu.

Mavingu 12:22

Txisofu txo womba-womba makuhu, njinyenyeko ka Mkoma, aniko avale va tsimbilako ngu kuthembeka va mtsakisa.

Varoma 12:5

ngu toneto nanathu, hambiko hi ku vangi, hi mmidi wumwewo ngu ka Kristu, se mmwani ni mmwani njihango txa mkwawe.

Vaefesu 4:15

Kambe, ngako hi txi londetela ditshuri ngu lirando, hi na kula ka totshe ngu kulondisa awule i ku msungo, ene Kristu.

Mavingu 12:17

Awule a wombako ditshuri a kombisa wululamo, aniko fakazi ya makuhu ya kanganyisa.

Mavingu 8:7

Nguko txisofu txangu txi na womba ditshuri; txisofu txangu txa venga wubihi.

Mavingu 12:19

Mapswi a ditshuri ma na zumba yotshe mbimo, aniko mawombawombelo a makuhu, nga mbimo ya yidotho.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

1 Timoti 4:2

Ngu mhaka ya kukanganyiswa ngu vamakuhu, avava livhalo lawe li nga vekwa txibawa ngu simbi yo hiswa:

Levhi 19:11

Mi nga peni, mi nga dyeleleni, mi nga wombeni makuhu kasi kukanganyisa mkwanu.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

2 Vakorinto 7:14

Nguko, hambiko ni nga ti dhumisa kudotho ngu nganu, masoni ka Titosi, kha ta maneka to mi wisa tingana, kufana ni ku hi wombako ditshuri masoni kwanu, ngu toneto, ku ti dhumisa kwangu ngu nganu masoni ka Titosi ku manekile i di ditshuri.

Titosi 1:12

Mmweyo ka vaprofeti vawe vapune a wombile a txi khene: “Vakreta, yotshe mbimo i vathu va makuhu; nzihari sa tshofu, vamahanyela-kudya.”

1 Vakorinto 10:17

Se ngako dipawu i ku dimwedo, hotshethu, hambiko hi ku vangi, hi wumba mmidi wumwewo, nguko hotshe hi abana dona dipawu dile da dimwedo.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Hoseya 4:2

Kova ni kuxambanya makuhu dwe, ni kuhemba, ni kudaya, ni wukhamba, ni wugango, va thuma kutheketa mnoha txitimwi ka minoha.

Isaya 63:8

Nguko Mkoma a ti ti khene: Kha ditshuri, vona i vathu vangu, vanana va va na kwa mbi womba makuhu. Ngu toneto, ene a to va Muhanyisi wawe.

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

Mavingu 21:6

Kuthumela kusengela thomba ngu lidimi la makuhu, mbukanganyisi, se avale va wekelelako keto va ti xotela lifo.

Mavingu 6:17

Maso o ti guleta, lidimi la makuhu, manza o theketa mnoha wo mbi na mnandu,

Masalmo 119:29

Ni hambukise ka tinzila ta makuhu u txi ni vhuna kuhanya ngu mlayo wako.

Masalmo 52:3

U dhunda wubihi kupinda wunene, u dhunda makuhu kupinda ditshuri.

Vaefesu 5:30

nguko athu hi sihango sa mmidi wakwe.

1 Vafumeli 13:18

Ene a m'gete ku khene: Nani ni mprofeti kufana ni nawe, se ngelozi yi to ni angula ngu dipswi da Mkoma, yi txi kha yona: Mmahe e tshumela ni nawe mi tsula m'tini kwako, kasi ku eya dya dipawu, ni kusela mati (kambe a to mu hembete).

Eksodha 23:7

Ti hambukise ka mhaka ya makuhu; u nga daye m'thu wo lulama ni wamnene, nguko ani kha ni na mbi emela txigevenga.

Masalmo 15:2

Hahanze ka wule a hanyako wutomi wo mbi na dikhwiti, a mahako kululama ni wu a wombako ditshuri mbiluni kwakwe;

Mavingu 24:28

U nga fakaze ta kwa mbi tiziva, u wukela mwakelani wako; nguko u na mkanganyisela txani ngu txisofu txako kani?

Vaefesu 4:22

di rumako kuleka mahanyelo a m'thu wa kale, a nga txi mi fuma kaleko, m'thu wu a nga xangiswa ngu minavelo yo kanganyisa.

Vaefesu 4:31

Totshe ti i ku ta mabava, kuhenya, txitsikivi, maguwa ni kuruka, sotsheso si na fuve hagari kwanu, kufana ni lotshe lixaka la wubihi.

Vakolosa 3:8

Se konkuwa na nanu si tshotsheni kule sotshe siya: Txitsikivi, kuhenya, wubihi, kuruka, mawombawombelo a nzambwa.

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

Jakobe 1:21

Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.

1 Pedro 2:1

Ngu toneto, lekani wotshe wubihi, makuhu, wuxengeteli, livengo, ni totshe tixaka ta siruko,

Valamuli 16:11

Se ene a to mxamula ku kha ene: “Ngako va txi ni sunga ngu majoke a maphya, aawa ma sinziko kuthumiswa, sekoko eho ni ndi na guma mtamo, ni fana ni vamwani vathu.”