Vaefesu 4:14 - Bhiblia Yo Sawuleka

¹⁴ Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako.

Vaefesu 4:14 Referans Kwoze

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

1 Vakorinto 14:20

Vanathu, mi nga ti maheni vanana mapimoni kwanu. Ka tile to biha, eho ti maheni vanana, kambe amu ka mapimo ti maheni madhota.

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

2 Vakorinto 2:17

Nguko athu kha hi fanani ni vamwani vathu vavangi, ava va mahako dibhindu do biha ngu dipswi da Txizimu. Aniko ngu txona Txizimu txi nga hi ruma. Se ngu toneto, hi womba-womba ha kubasani mapswi o tuletelwa ngu Txizimu, nga sithumi sa Kristu.

Jakobe 1:6

Aniko a na kombele ngu likholo, asi kanakani; nguko awule a kanakanako, a fana ni divimbi da linene, di rethwako ni kuvhiluswa ngu moya di tshotshwa khe ni khe.

Vaefesu 6:11

Ti vhikeleni ngu matxhari a Txizimu, kasiku mi sikota kuxula siduko sa Sathani;

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

2 Timoti 4:3

Nguko yi nata mbimo yi vathu va no mbi dhunda kuengisa gondo ya yinene, aniko, madingano ni mixuvo yawe ni kulava kutsakisa tinzeve tawe, ti nyakatelwako, va na ti lavela mtengo wa vagondisi.

Judha 1:12

vathu vava ngu vona i ku sikhuvekiso mibusoni kwanu ka lirando; vadya va si na tingana, ve ti dyisa vapune, va fana ni marefu o mbi na mati, ma pengapengiswako ngu moya; mindonga ya wuxika yi si velekiko mihando, mindonga yi nga fa kumbidi yi txi dulwa ni mikoloti ya yona;

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Vagalatiya 3:1

Oh! Vagalatiya, maphuphulunu, i mani a nga mi xenga, anu vava Jesu Kristu a nga txhumayelwa masoni kwanu, nga mi to mu wona a txi gogotelwa ha txihambanoni, kani?

Matewu 24:11

Va na humelela vaprofeti vavangi va makuhu, ava va no timeta vathu votala.

1 Johani 2:26

Ni mi bhalela timhaka tiya ngu mhaka ya vale va lavako ku mi timeta.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

Isaya 28:9

I mani koko a ndi no gondiswa wutxhari kani? Niku i mani a ndi no pima ati a nga tipfa kani? Ka wule a nga lumulwa ni ka wule a nga thaviswa ha tshumbuni kani?

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Matewu 11:7

Sekoko, ngako vona va di tsute, Jesu a khatile kuwombawomba ngu Johani ka vathu, a txi khene: “Njitxani mi nga ya txi wona txiwulani kani? Litshava li li dekadekiswako ngu moya kani?

1 Vakorinto 12:2

Ma tiziva tito, mbimo yi mi nga ti vamatiko, mi ti tumela kundindwa mi yiswa ka sizimu sa walo sa siduma.

Mithumo 23:21

Aniko u nga tumele, nguko vavamna va va pindako mune wa magumi, va mu baramete, va xambanyile ngu kutsanisa, va txi kha vona kha va na kudya hambi kusela, na va sinzi ku m'daya; konkuwa va ti longisete, va verela kutumela kwako dwe.”

Mika 7:2

Vathu vavanene va nyamalate ha mafuni, kambe kuwalo ni wammweyo wo lulama hagari ka vathu; votshe va ti longisela kutheketa mnoha; mmwani ni mmwani a riyela mwanawe ngu likoka.

Masalmo 59:3

nguko a va va ni riyelako, va wukela muhefemulo wangu, vathu va mtamo va maha sikungo so ni wukela, ni sa hambunyeta txilo hambi kuve ni mnandu, awe Mkoma.

Masalmo 10:9

A fana ni ngonyamo yi ku diphalani ka yona; ene wa riya milawu kasi kubzweta txisiwana; mbimo yi a txi bzwetako wa txi ruruvisa, e txi ndinda ngu mlawu wakwe.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

Jakobe 3:4

Wonani sitimela sa mati ni sona, hambiko i ku sa hombe, na si txi susumetwa ngu moya wa mtamo, aniko si kombwa nzila ngu lemu ya yidotho, si txi yiswa amuwa mtsimbitisi wa sona a lavako ku si txi ya kona.

1 Timoti 3:6

Kulaveka i si nga wu i ku ngadi kwakwe kuhunduluka, kasiku asi ti kulisi, se e wela mu kuabaniswani ka Sathani.

2 Timoti 1:15

Wa tiziva ti to votshe va ku Aziya va ni lekile, hagari kwawe kumaneka Figelusi ni Hermogenesi.

1 Vakorinto 3:19

Nguko wutxhari wa ha mafuni mbupumbu masoni ka Txizimu, kota nga ti ti nga bhalwa va txi kha vona: “Txona txa bzweta vazivi amu ka wutxhari wawe.”