Vaefesu 4:12 - Bhiblia Yo Sawuleka

¹² kasi kuvhuna vasawuleki, ti to ve sikota kuthumela vamwani, ve aka mmidi wa Kristu,

Vaefesu 4:12 Referans Kwoze

Vaefesu 4:16

Ngu mtamo wakwe, sotshe sihango sa mmidi si ñolani ni kutsaniswa ta tinene ngu misiha yi yi nga vekwa ka sona. Ngu konaho, ngako txihango txihi ni txihi txi txi maha mthumo wa txona ngu fanelo, mmidi wotshe wa kula, wu txi ti aka ngu lirando.

1 Vakorinto 12:27

Sekoko, anu mi mmidi wa Kristu, kambe mi sihango sakwe, mmweyo ni mmweyo ngu mazumbelo akwe.

Varoma 15:14

I di ani, vanathu, na themba ti to na nanu mi tate ngu wunene, ni ti to mi na ni wuzivi wotshe, awu mi dinganako kulayana ngu wona.

1 Vakorinto 14:26

Ti di ngeto, ku nga mahwa to txani kani, vanathu kani? Mbimo yi mi sengeletanako, mmwani ni mmwani kwanu a nga sikota kuthula ndando, mmwani a nga sikota kuwomba dipswi do gondisa, mwendo dipswi di a nga kombiswa ngu Txizimu, mwendo kuwomba mapswi okari ngu lidimi lo hambana, mwendo txiningo txo txhamusela ti ti wombwako ngu timwani tidimi; kambe totshe tiya ti na mahelwe kufela kuaka msengeletano.

Varoma 14:19

Ngu konaho, he xoteni kumaha ati ti vangako kudikha ni ti ti hi akako amu ka likholo.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

1 Vakorinto 14:12

Ngu toneto, ngako mi navelako kumana sihiwa sa Moya, khutalani kasiku mi txi si mana ngu kutalelwa ka sona, ti to mi aka dibanza.

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

Vahebheru 6:1

Ngu toneto, ahi lekeni tigondo ta makhato a dipswi da Kristu, hi ya masoni ka tigondo to hetiseka, hi si tshumeli hi gondela timhaka ta makhato: Ta kutisola ka mithumo ya kufa ni ta likholo ka Txizimu,

2 Vakorinto 6:3

Kha hi lavi kukhuvekisa m'thu ni wammweyo kufela ku mthumo wathu wu si solwi.

2 Vakorinto 5:18

Totsheto ti ta ngu ka Txizimu, atxi txi nga hi tshanganisa natxo ngu Kristu; txona txi hi ningile mthumo wa kutshanganisa vathu kumweko natxo.

Luka 22:32

Aniko ani ni ku kombelete, kasiku likholo lako li si timeki. Se awe, ngako u di hundulukile, tsanisa vakwanu.”

2 Timoti 4:5

Aniko, awe, zumba u di tsani yotshe mbimo, timisela amu ka sixaniso, ti ningetele ka mthumo wa Evhangeli, hetisa mthumo wako.

Vakolosa 4:17

Gelani kambe Arkipo mi txi khanu: “Tsimbitisa kha kwati mthumo wu u nga wu amukela manzani ka Mkoma; wu thume ngu tifanelo ta tinene.”

Vakolosa 1:28

Hi txhumayela ngu ngene, hi txi laya vathu ni ku va gondisa ngu wotshe wuzivi, kasiku hi kombisa votshe vathu na va di hetisekile ngu ka Kristu.

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

Vaefesu 1:23

adiya i ku mmidi wakwe, dona Dibanza diya di ningwako kuhetiseka ngu Kristu, i ku ene a ningako kuhetisela ka sotshe simaha.

2 Vakorinto 12:19

Ina kale ni kale mi pimisa ti to ho lava kutitshurisa masoni kwanu kani? Hi nga tona. Hi womba-womba masoni ka Txizimu ngu ka Kristu, Totshe tiya, vo randeka ngutu, ti mahelwa kasi ku hi txi mi vhuna.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

2 Vakorinto 3:8

ngutu-ngutu mthumo wa moya wu ni kuphatima ku kupindisako.

1 Vakorinto 14:14

Nguko, ngako ni txi khongela ngu tidimi, moya wangu wa khongela, aniko mapimo angu kha ma bhinduli.

Varoma 15:29

Kambe na tiziva tito, ni txi ta kheyo kwanu, ni nata ni di ni makatekwa otshe a Kristu.

Varoma 15:2

M'thu wuhi ni wuhi wa ka kwathu a na lave kutsakisa m'thu kulowe e mnavelela ati ti mu akako.

Varoma 12:7

awu a ku ni txihiwa txa kuthumela vamwani, a na va thumele; awu a nga ningwa kugondisa a na gondise;

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Mithumo 1:25

kasiku e teka wukhalo wa Judha, mthumoni ka wupostoli, awu a nga wu leka e tsula mu kulumbako ene.”

Mithumo 1:17

Ene i ti ti mmweyo wathu, se a ti ti ningilwe txyavelo txa mthumo wathu.

2 Timoti 4:11

Luka ngene ekha a ku ni nani. Ngono ni Marku nguko wa ni vhuna ngutu mthumoni.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Vaefesu 4:4

Ku ni mmidi wumwewo ni moya wumwewo, kota nga ti i ku txithembo tximwetxo, atxiya nanu mi nga dhanelwa txona.

2 Vakorinto 13:9

Athu ha tsaka ngako hi di va dikhodho, kasi anu mi di va mtamo. Ati hi mi kombelako ngu tona ngu ti to mi va vo hetiseka.

1 Vakorinto 12:7

Kambe mmwani ni mmwani a ningwa sihiwa sa kuwonekisa Moya, kasiku e vhuna votshe.

Varoma 12:5

ngu toneto nanathu, hambiko hi ku vangi, hi mmidi wumwewo ngu ka Kristu, se mmwani ni mmwani njihango txa mkwawe.

2 Vakorinto 13:11

Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.