Vaefesu 3:7 - Bhiblia Yo Sawuleka

⁷ Ni ti mahile mthumeli wa yona Evhangeli yi, ngu mhaka ya txihiwa txa kateko ya Txizimu, ayi ni nga ningwa ngu mthumo wa mtamo wa txona.

Vaefesu 3:7 Referans Kwoze

Vaefesu 1:19

mi ziva kambe tito, kwathu makholwa, mbwa hombe ngutu mtamo wa txona, nyala ni mtamo wa Txona wa hombe,

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Vaefesu 3:2

ngako mi di ti engisile va txi womba-womba ngu kateko yi, Txizimu txi nga ni ninga ngu kota yanu, kasi kumaha mthumo wa makungo a txona.

2 Vakorinto 3:6

Txona ngu txona txi nga hi ninga mtamo wa kuthumela Txitumelelano txa Txiphya, i ku txa moya, i si nga ngu mlayo wa kubhalwa nguko mlayo wa kubhalwa wa daya, kasi wona moya wu ninga wutomi.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

Vakolosa 1:29

Ngu toneto, ni ti karatelako tona, na ni txi lwa ngu mtamo wakwe, awu ene a ni ningako wona.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

1 Vakorinto 3:5

Hi ngani ni gela: I mani Apolosi kani? I mani Paulo kani? Vona nzithumi dwe, asi mi nga amukeliswa ngu sona likholo, na ti txi tsimbila ngu hawa mmwani ni mmwani a nga ningiswa tona ngu Mkoma.

Varoma 15:16

yo ni maha txithumi txa Jesu Kristu hagari ka vamatiko, ani ni nga sawulwa ni txi mahwa mthumeli wa Evhangeli ya Txizimu, kasiku vamatiko ve va i di mningelo wa kutsakisa Txizimu, na wu di basisilwe ngu Moya wo Sawuleka.

Varoma 1:5

Ngu ngene hi amukete kateko ni fanelo ya wupostoli, kasiku votshe vathu va matiko ve yiswa kuengisani ka kukholwa, ve dhumisa ditina dakwe;

Vaefesu 4:16

Ngu mtamo wakwe, sotshe sihango sa mmidi si ñolani ni kutsaniswa ta tinene ngu misiha yi yi nga vekwa ka sona. Ngu konaho, ngako txihango txihi ni txihi txi txi maha mthumo wa txona ngu fanelo, mmidi wotshe wa kula, wu txi ti aka ngu lirando.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Vagalatiya 2:8

Nguko awule a nga ninga Pedro mtamo wa kuthumela ava va wukwera, anani a ni ningile mtamo wa kuthumela ava i ku si nga va wukwera.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

Isaya 43:13

Na ku si se vaho ditshiku, ani ngani; kambe kha ngaho wu a sikotako kuhuluka manzani kwangu; Ngako ni txi thuma, i mani a no ni tsimba kani?

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Varoma 12:3

Ngu mtamo wa kateko yi ni nga ningwa, na laya mmwani ni mmwani a ku hagari kwanu ti to asi thuki a txi ti alakanyela kupinda mpimo wa fanelo yakwe, aniko a nave ni mapimo a kutiveka hahatshi, madingano ni mpimo wa likholo li Txizimu txi nga avela ka mmwani ni mmwani hagari kwanu.