Vaefesu 3:2 - Bhiblia Yo Sawuleka

² ngako mi di ti engisile va txi womba-womba ngu kateko yi, Txizimu txi nga ni ninga ngu kota yanu, kasi kumaha mthumo wa makungo a txona.

Vaefesu 3:2 Referans Kwoze

1 Timoti 1:11

yi engisanako ni Evhangeli yi yi nga vekwa manzani kwangu, ayi yi pfalisako Txizimu, i ku txisima txa makatekwa.

2 Timoti 1:11

Ani ni simekilwe kumaha m'gondisi wa Dipswi ni mpostoli ni m'gondisi ngu konaho ka Evhangeli yiya.

Varoma 1:5

Ngu ngene hi amukete kateko ni fanelo ya wupostoli, kasiku votshe vathu va matiko ve yiswa kuengisani ka kukholwa, ve dhumisa ditina dakwe;

Vaefesu 4:7

Kambe mmweyo ni mmweyo kwathu a ningilwe kateko ngu mpimo wa txiningo txa Kristu,

1 Vakorinto 4:1

Ti di ngeto, vathu kulaveka va txi hi ziva nga hi sithumi sa Kristu ni ti to hi vaaveli va sixamaliso sa Txizimu.

Vaefesu 1:10

ati ti nga ti fanela kumaheka kutatisekani ka mbimo: Ti to txi tshanganisa Mfumoni ka Kristu sotshe si si ku nzumani ni si si ku ha mafuni.

Vagalatiya 1:13

Kha ditshuri, mi ti engisile ati ni nga ti ti hanyisa tona kale, ta wujudha, ni tshofu yo pindisa, ya ti ni nga ti xanisisa tona Dibanza da Txizimu ni kulava ku di fuvisa.

Mithumo 22:21

Aniko ene a to ni gela ku khene: ‘Tsula, ni na kurumela ka vamatiko, aniya kule.’ ”

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

1 Timoti 2:7

i ku yona mhaka yiya ani ni nga mahwa m'gondisi ni mpostoli wa yona ni womba ditshuri, kha ni hembi, ani ni m'gondisi wa vamatiko amu ka likholo ni mu ka ditshuri.

1 Timoti 1:4

va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

Vakolosa 1:6

ayi yi nga hoka kwanu, ayi yi vekako mihando ka dotshe ditiko, ayi yi kulako nga ti yi mahisako tona hagari kwanu, txima mi txi engisa, ni ku engisisa ngu ditshuri da kona, kateko ya Txizimu.

Vakolosa 1:4

nguko hi pfite kukholwa kwanu ka Kristu Jesu, ni lirando lanu ka vasawuleki votshe;

Vaefesu 4:21

nguko timhaka takwe mi ti engisile, se akuwa mi ku vathu vakwe Jesu, mi gondisilwe ditshuri di di ku kwakwe,

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Varoma 12:3

Ngu mtamo wa kateko yi ni nga ningwa, na laya mmwani ni mmwani a ku hagari kwanu ti to asi thuki a txi ti alakanyela kupinda mpimo wa fanelo yakwe, aniko a nave ni mapimo a kutiveka hahatshi, madingano ni mpimo wa likholo li Txizimu txi nga avela ka mmwani ni mmwani hagari kwanu.

Varoma 11:13

Ni womba ni nanu, mi ku vamatiko, ni khani: Ngako ani ni ku mpostoli wa vamatiko, ni na ti karata ngu kutsimbitisa kha kwati mthumo wangu,

Vaefesu 3:7

Ni ti mahile mthumeli wa yona Evhangeli yi, ngu mhaka ya txihiwa txa kateko ya Txizimu, ayi ni nga ningwa ngu mthumo wa mtamo wa txona.

Vaefesu 3:9

ni kukombisa masoni ka votshe txyavelo txa makungo awa ma nga ti sisilwe ngu kale ni kale ngu Txizimu, m'vangi wa sotshe,