Vaefesu 3:19 - Bhiblia Yo Sawuleka

¹⁹ Ni kombela ti to mi txi li ziva lirando liya, i ku la hombe ngutu kupinda sotshe si hi si zivako, kufela ku mi txi talelwa ngu yotshe thomba ya kuhetiseka ya Txizimu.

Vaefesu 3:19 Referans Kwoze

Vaefesu 1:23

adiya i ku mmidi wakwe, dona Dibanza diya di ningwako kuhetiseka ngu Kristu, i ku ene a ningako kuhetisela ka sotshe simaha.

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,

2 Vakorinto 5:14

Lirando la Kristu la hi kurumeta, ngako hi txi pimisa ti to m'thu wammweyo a fete votshe, se ti di ngeto, votshe va fite.

Johani 1:16

Kha ditshuri, ngu kutalelwani kwakwe, hotshethu hi amukete kateko ni kateko.

Vafilipiya 4:7

Sekoko kuthutha ka Txizimu, kupindako wotshe wuzivi, ku na veketa timbilu tanu ni mialakanyo yanu ngu Kristu Jesu.

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Vaefesu 3:18

Ti di ngeto, mi na sikota kuziva, kumweko ni votshe vasawuleki, kuanama ni kulapha, kudemba ni kutshima ka lirando la Kristu.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Matewu 5:6

Va katekile ava va ku ni nzala ni ditora da wululami, nguko va na khuriswa!

Vaefesu 5:25

Nananu vavamna, randani vasikati vanu, kota nga ti Kristu a nga randisa tona Dibanza, a txi ti ningela ngu mhaka ya dona,

Masalmo 43:4

Konako ni na wulela txiluveloni kwako, awe Txizimu, awe u ku litsako langu; koneyo ni na kudhumisa ngu kuveta ka haripa, nguko awe ngawe Txizimu txangu.

Vafilipiya 1:7

Ti lulamile ngako ni txi alakanya toneto ngu mhaka yanu motshe, nguko nina ni nanu mbiluni kwangu, nguko mi patani ni nani ka kateko yangu, amu kusungwani kwangu, kumweko ni mu ka kulwela ni kutsanisa Evhangeli.

Masalmo 17:15

Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.

Varoma 8:35

I mani a no sikota ku hi hambanisa ni lirando la Kristu kani? Mwendo ngu sikarato, mwendo kuxupheka, mwendo kuxaniswa, mwendo tinzala, mwendo wusakato, mwendo tiphango, mwendo matxhari kani?

Varoma 8:39

hambi mitamo ya txitimwi, hambi kudemba ka nzuma, hambi kuhokoma, hambi txivangwa txihi ni txihi, kha txi na mbi sikota ku hi hambanisa ni lirando la Txizimu, li nga kombekiswa ngu Kristu Jesu Mkoma wathu.

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;