Vaefesu 3:18 - Bhiblia Yo Sawuleka

¹⁸ Ti di ngeto, mi na sikota kuziva, kumweko ni votshe vasawuleki, kuanama ni kulapha, kudemba ni kutshima ka lirando la Kristu.

Vaefesu 3:18 Referans Kwoze

Johani 15:13

Ku walo m'thu wu a ku ni lirando la hombe ngutu kupinda la wule a ningelako wutomi wakwe ngu mhaka ya vangana vakwe.

Masalmo 103:17

Aniko lirando la Mkoma kha li nga ni magwito ka vale va m'thavako kululama kwakwe kha ku na magwito ka liveleko ni liveleko,

Vaefesu 3:19

Ni kombela ti to mi txi li ziva lirando liya, i ku la hombe ngutu kupinda sotshe si hi si zivako, kufela ku mi txi talelwa ngu yotshe thomba ya kuhetiseka ya Txizimu.

Isaya 55:9

Nguko nga kule nzuma yi ku txitimwi ngutu kupinda mafu, ngu tona eto, ni tinzila tangu ti txitimwi ngutu kupinda tinzila tanu, ni mialakanyo yangu yi txitimwi ngutu kupinda mialakanyo yanu.

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Vaefesu 1:15

Ngu toneto, nani, txima ni pfa mhaka ya kukholwa kwanu ka Mkoma Jesu ni lirando lanu ka vasawuleki votshe,

Masalmo 145:10

Awe Mkoma, yotshe mithumo yako yi na kudhumisa ni votshe vasawuleki vako va na ku bonga!

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Vagalatiya 3:13

Kristu a dihile kasiku a txi hi tirula ka dikhombo da kuruketelwa ngu Mlayo, ene a ti mahile wo ruketelwa ha wukhaloni kwathu, nguko Mibhalo yi kha yona: “A na ruketelwe wuhi ni wuhi a nga hayekwa ha phandeni.”

Vaefesu 1:10

ati ti nga ti fanela kumaheka kutatisekani ka mbimo: Ti to txi tshanganisa Mfumoni ka Kristu sotshe si si ku nzumani ni si si ku ha mafuni.

Masalmo 139:6

Wuzivi wo nga eto, kwangu wa xamalisa ngutu; wuzivi wo guleka ngutu, kha ni sikoti kuyipfisisa ngu mapimo angu.

Vakolosa 1:4

nguko hi pfite kukholwa kwanu ka Kristu Jesu, ni lirando lanu ka vasawuleki votshe;

Varoma 10:3

Nguko, ngu ku ambi ziva kululama ka Txizimu ni kulava ku ti emisela kululama kwawe vona ngu txawe, kha va ti veka hahatshi ka kululama ka Txizimu.

Masalmo 132:9

Vaphaxeli vako va na ambale wululamo, kambe vasawuleki vako va na tsake!

2 Makronika 6:41

Mkoma Txizimu khukha konkuwa u wulela u humula ka wukhalo wako, awe ni dibhokiso da mtamo; Mkoma Txizimu, vaphaxeli vako va na ambale kuhanyiswa, se ni vasawuleki va na tsakele wunene wako.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

2 Vakorinto 13:13

Kateko ya Mkoma Jesu Kristu, ni lirando la Txizimu, ni kutshangana ka Moya wo Sawuleka, si nave ni nanu motshenu.

Zakariya 14:5

Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.

Masalmo 116:15

Li ni lisima masoni ka Mkoma lifo la vasawuleki vakwe,