Vaefesu 3:1 - Bhiblia Yo Sawuleka

¹ Ngu konaho, ani Paulo ni maneka ku khotelwani ngu mhaka ya Jesu Kristu, kufela kuvhuna anu vamatiko,

Vaefesu 3:1 Referans Kwoze

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

2 Timoti 1:8

Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

Vaefesu 6:20

ayi ni ku muemeli wa yona kona kusungwani muwa; kasi ku ni sikota kuwombawomba ngu kutxhatxheka, nga ha ti fanelako kuva ni txhumayela.

Filimoni 1:9

ni randa kumaha ngu ku kukombela ngu lirando. Ani Paulo, wo kumba nga tiya, na kambe ni di ku khotelwani konkuwa ngu mhaka ya lirando la Jesu Kristu,

Vafilipiya 1:7

Ti lulamile ngako ni txi alakanya toneto ngu mhaka yanu motshe, nguko nina ni nanu mbiluni kwangu, nguko mi patani ni nani ka kateko yangu, amu kusungwani kwangu, kumweko ni mu ka kulwela ni kutsanisa Evhangeli.

Filimoni 1:1

Ani Paulo, txibotxhwa ngu mhaka ya Jesu Kristu, ni mwanathu Timoti, hi bhalela awe Filimoni, m'vhuneteli wathu wo randeka ngutu,

Mithumo 23:18

Mthangeli wa dizana a to mteka a mu heleketa ka mthangeli wa hombe, eya womba, a txi khene: “Paulo wu a nga sungwa, a ni dhani e ni kombela ku ni neha dizambi diya kwako: Di ni mhaka di lavako ku kugela.”

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Filimoni 1:23

Wa kudingula Epafrasi txibotxhwa kulothi ngu ka Kristu Jesu.

Mithumo 26:29

Paulo a txi khene: “Ngu kadotho mwendo ngu ka kungi, ni kombela ka Txizimu ti to i si nga awe dwe, kambe ni votshe va va ni engisako nyamsi, mi txi fanana ni nani, kuleka ngu titxhini ti ni nga sungwa ngu tona.”

2 Timoti 1:16

Mkoma a na telwe ngu wumbilu ka mwaya wa Onesiforo, nguko sikhati so tala a ni rulisite mbilu, kha telwa ngu tingana ngu mhaka ya tingomondo tangu,

Vakolosa 4:18

Madingulisa awa ni bhala ngu txanza txangu: Ani Paulo. Mi nga divaleni ti to ni ku khotelwani. Kateko yi nave ni nanu.

Vakolosa 4:3

mi txi hi kombelela nathu, kasiku Txizimu txi hi tulela nzila ya kutxhumayela kwathu, hi sikota kuhuwelela msisalo wa Kristu, ani ni maneka mkorani ngu mhaka ya wona msisalowo.

2 Vakorinto 11:23

Nzithumi sa Kristu kani? Ni wombisa wuphuphulu, ni txi khani: Ani na va pala ngutu. Na va pala ngu mithumo, ni seketwe sikhati sasingi mikorani, kupinda vona; ni kwapetwe ngutu ngu sisephu kupinda vona, sikhati sasingi ni manekile ni di ha phangoni ka kufa.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Mithumo 21:33

Sekoko mthangeli wa yimbi a to tshuketa e ñola Paulo, e rumela ku e sungwa ngu tingomondo timbidi, e muwotisa tito: Ngene mani, ni ti to nji txani a nga maha kani?

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Vaefesu 3:13

Ngu konaho, na mi kombela, mi si rereki ngu mhaka ya sixaniso sangu sa ku mi xuphekela, nguko kwanu, eto i mhaka ya kupfaliswa kwanu.

Vagalatiya 5:11

Se ngako ani, vanathu, ni di ngadi ni txi gondisa ta wukwera, ngu kutxani ni ku ngadi ni txi xaniswa kani? Nguko, ngako i di toneto, kutxhumayela kwangu ngu ta txihambano, nga ku si khuvekisi m'thu.

Vagalatiya 5:2

Ani Paulo ni khani kwanu: Ngako mi txi tumela kuyiswa wukwerani, Kristu kha na mbi mi vhuna txilo.

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

2 Vakorinto 1:6

Ngako hi txi xaniswa, hi xaniselwa ku anu mi txi mana kuthavelelwa ni kuhanyiswa. Se, ngako hi txi thavelelwa, anu mi mana kuthavelelwa nanu, aku ku mi ningako kutimisela ka sixaniso si nanathu hi timiselako ka sona.

Vagalatiya 5:24

Avale i ku va Kristu va bethete ha txihambanoni nyama ni wubihi wa yona ni minavelo ya yona.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Vaefesu 3:11

madingano ni makungo awa Txizimu txi nga ti ma vekile, ayawa txi nga ma wonekisa ngu Kristu Jesu Mkoma wathu.