Vaefesu 2:6 - Bhiblia Yo Sawuleka

⁶ Txizimu txi hi wusile kumweko ni nene, se txi txi ya hi khalahatshisa nzumani ngu ngene Kristu Jesu;

Vaefesu 2:6 Referans Kwoze

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Johani 12:26

Ngako m'thu a txi lava ku ni thumela, a na ni londise, se ahawa ani ni ku kona, nene wule a ni thumelako a na va a di konaho. Se ngako m'thu a txi ni thumela, Tate wangu a na mu dhumisa.”

Johani 14:3

Se ni di tsute, ni txi ya mi lulamisela wukhalo, ni na wuya kambe, ni ta mi teka, mi ya zumba kumweko ni nani, kasiku, ahawa ni ku kona ani, mi txi va mi di konaho nanu.

Matewu 26:29

Aniko ni khani kwanu: Kukhukhela konkuwa, kha ni na mbi sela kambe m'hando wa m'vhinya, kala ditshiku di ni nota wu sela i di wa wuphya, kumweko ni nanu, Mfumoni ka Tate wangu.”

Luka 12:37

Si katekile sithumi sile, nyamne wa sona, mbimo yi a bwakako a nota si mana si txi wonelela. Kha ditshuri na mi gela, ene a nata sunga dithawula txiwununi, a txi va khalahatshisa ha mezani, a txi tsimbila ngu ka mmweyo ni mmweyo, a txi va phamela sakudya.

Vakolosa 1:18

Ene i Msungo wa Dibanza i ku Mmidi wakwe. Ene i makhato, i matiwula a votshe vava va wukako ngu ka vafi; ngu toneto a mani wuthangeli ka sotshe simaha.

Vaefesu 1:1

Ani Paulo, mpostoli wa Jesu Kristu ngu kuranda ka Txizimu, ni bhalela vasawuleki va Efesu, va thembekako ngu ka Kristu Jesu;

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Vaefesu 2:13

Aniko anu kale mi nga ti kule ni Kristu Jesu, se konkuwa mi hafuhi ngu mnoha wa Kristu.