Vaefesu 2:5 - Bhiblia Yo Sawuleka

⁵ hi nga ti fite ngu mhaka ya sionho sathu, txi hi hanyisile kumweko ni Kristu. Ina! Mi hanyisilwe ngu makatekwa.

Vaefesu 2:5 Referans Kwoze

Varoma 3:24

Na va si nga ni fanelo, va ningwa kululama ngu mtamo wa kateko ya txona Txizimu txi nga va tirula ngu Kristu Jesu;

Vaefesu 2:8

Nguko mi hanyisilwe ngu mhaka ya tikateko ni kukholwa. Aniko hi nga ta kumahwa ngu mtamo wathu, njiningo txa Txizimu.

Varoma 5:10

Kha ditshuri, hambiko hi nga ti valala, hi mani kutshanganiswa ni Txizimu, ngu mhaka ya kufa ka Mwanana wa txona; se ngutu-ngutu aku hi nga tshanganiswa, hi na hanyiswa ngu wutomi wakwe.

Varoma 5:8

Aniko, Txizimu txa hi kombisa lirando la txona, nguko Kristu a tumete ku hi fela athu hi di ngadi vaonhi.

Mithumo 15:11

Na kasi ha kholwa ti to hi hanyiswa ngu kateko ya Mkoma Jesu, nga tona ti ni vona va kholwisako tona.”

Vaefesu 2:1

Nananu mi ti fite ngu konaho ka minandu ni sionho sanu,

Varoma 8:2

Nguko mlayo wa Moya wa wutomi awu wu ku ka Kristu Jesu wu ni txhatxhile ka mlayo wa txionho ni lifo.

Titosi 2:11

Ngukuva kateko ya Txizimu, yi kuhanyisako, yi ti wonekisile ka votshe vathu;

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Varoma 4:16

Ngu konaho, thomba yi manwa ngu kukholwa; ti to txi va i di txiningo txa makatekwa, kasiku txithembiso txi tsaniswa ka liveleko lotshelele, i si nga ka liveleko la mlayo dwe, aniko ni ka liveleko la kukholwa ka Abrahamu, i ku tate wa hotshethu;

Titosi 3:5

i si nga ngu mhaka ya mithumo yathu ya yinene hi nga yi maha, aniko ngu mhaka ya wumbilu wa txona hi sambisilwe hi phindulwa hi txi maha vavaphya ngu mtamo wa Moya wo Sawuleka,

Varoma 5:6

Nguko mbimo yi hi nga ti sinzi kutsana, Kristu a fete vabihi ngu txikhati txiya txi nga ti vekilwe ngu Txizimu.

Varoma 16:20

Txizimu txa kudikha txi na kuluvete kuganyatela Sathani hahatshi ka mikondo yanu. Makatekwa a Mkoma wathu Jesu Kristu ma nave ni nanu.

Johani 6:63

Moya ngu wona wu hanyisako, kasi mmidi kha wu vhuni txilo. Mapswi awa ni nga mi gela i moya ni wutomi.

Johani 5:21

Nga kuwa Tate a wusako vafi e va hanyisa, nene Mwanana wa hanyisa ava a va randako.

Mtuletelo 22:21

Kateko ya Mkoma Jesu yi nave ni nanu motshenu! Amen.

Luka 15:24

nguko mwanana wu wangu, a nga ti fite, se a tshumete a txi hanya, a ti mwalate, se e tshumela e manwa.’ Se va to khata kubusa.”

Vakolosa 2:13

Kale mi ti vathu va kufa ngu mhaka ya sionho sanu ni mhaka ya wukhutu wa nyama yanu, se Txizimu txi mi hanyisile kumweko ni Kristu. Txona txi hi divalete yotshe minandu yathu;