Vaefesu 2:4 - Bhiblia Yo Sawuleka

⁴ Kambe Txizimu, txi nga tala ngu wumbilu ni lirando la hombe, ali txi nga hi randa ngu lona athu,

Vaefesu 2:4 Referans Kwoze

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Varoma 5:8

Aniko, Txizimu txa hi kombisa lirando la txona, nguko Kristu a tumete ku hi fela athu hi di ngadi vaonhi.

Vaefesu 2:7

kasi kukombisa ka timbimo ti titako makatekwa a txona a hombe, ngu wunene wu txi nga va nawo ni nathu ngu ka Kristu Jesu.

Masalmo 145:8

Mkoma a ni wunene ni wumbilu; wa timisela kambe a ni kutsetsa.

Varoma 10:12

Kha ku nga ho kuhambana hagari ka Mujudha ni Mugriki, nguko Mkoma wawe i mmweyo, awu a ku ni wuha ka votshelele va va m'khozelako.

1 Timoti 1:14

Kambe kateko ya Mkoma wathu ni yi mani ngu kutala ka yona, ngu likholo ni lirando li li ku ka Jesu Kristu.

Jeremiya 31:3

Mkoma a wonekile kwangu ngu kule, a txi khene: Ni ku randile ngu lirando li li si gwitelwiko; na ku xayisela wuxinji wangu.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Varoma 9:23

Txizimu txi lavile kambe kukombisa kukula ka wudhumo wa txona ka vale txi nga va sawula ngu kale, ngu wumbilu wa txona, kasiku va na ya zumba kutsakani ka txona.

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

2 Vatesalonika 2:13

Kasi i di athu, hi fanete kubonga Txizimu yotshe mbimo ngu kota yanu, vanathu, mi randwako ngu Mkoma, nguko Txizimu txi mi sawute kukhukhela makhatoni, kasiku mi txi huluswa ngu Moya wu wu basisako, ni kukholwa ka ditshuri.

Luka 1:78

Ngu wumbilu wa hombe wa Txizimu txathu, ha mana kuendelwa ngu wutxa wa kuta ngu txitimwi;

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Masalmo 51:1

Telwa ngu wumbilu ngu ngani, Txizimu, ngu konaho ka lirando lako; pfhita sihambunyeto sangu, madingano ni wumbilu wo tala!

Eksodha 33:19

Kambe Mkoma a to khene: “Ni na pindisa ngu masoni kwako wotshe wunene wangu, kambe ni na huwelela masoni kwako ditina dangu. Ni na mahela wunene awule ni mlavako, ni kambe ni na mahela wumbilu awule a ni tsakisako.”

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.