Vaefesu 2:19 - Bhiblia Yo Sawuleka

¹⁹ Ngu toneto, anu kha mi nga ngadi vamatiko mwendo vawuyi, aniko mi vamwevo ni vasawuleki va mwaya wa Txizimu,

Vaefesu 2:19 Referans Kwoze

Vafilipiya 3:20

Aniko athu mwani kwathu ngu nzumani, ahawa hi rinzelako ti to a nata ngu kona muhanyisi Mkoma Jesu Kristu.

1 Johani 3:1

Wonani lirando la kuxamalisa la Tata; a nga hi ninga mathomo a ku hi maha vanana va Txizimu! Hi vanana va txona ngu ditshuri. Ngu toneto, ditiko kha di hi zivi; nguko ni Txizimu kha da txi ziva.

Vagalatiya 6:10

Ngu konaho, he maheni wunene ka votshe vathu, na hi di ngadi ni mbimo, ngutu-ngutu ka makholwa kulothu.

Vaefesu 2:12

alakanyani tito, ka yile mbimo, mi ti si lumbi Kristu, mi ti si nga ni fanelo ya kubalwa kumweko ni va ka Israyeli, mi ti maneka mi di vamatiko ka situmelelano ni sithembiso sa Txizimu ha mafuni.

Vaefesu 3:6

ti to vamatiko i sidya-thomba ni vona kumweko ni Vajudha, va lumba lixaka limwelo, se kambe va na mana kuvhuneka ni vona ka txonetxo txithembiso txa tximwetxo txa Kristu, ngu mtamo wa Evhangeli.

Vahebheru 11:13

Votshe vathu vava va fete kukholwani, na va sinzi kumana si va nga ti thembisilwe sona. Vona va to si wona ni ku si tsakela ngu kule dwe, va txi ti tshanza ti to vona mbawuyi ni vaendi ha mafuni.

Vaefesu 3:15

Tate wuwa, mwaya ni mwaya, aniya nzumani ni ha mafuni, wu ku ni ditina dakwe.

Matewu 10:25

Ta enela ka mgondiswa ku a txi dingana ni m'gondisi wakwe, ni ka txithumi ku txi txi dingana ni nyamne wa txona. Ngako va di dhani nyamne wa nyumba va txi i Bhelzebhule va ha mwayani kwakwe va na dhanwa ngu kupindisa.”

Vahebheru 13:14

Nguko hahatshi hawa, kha hi nga ni didhoropa do tsana, aniko hi lava didhoropa di di tako.

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.