Vaefesu 2:18 - Bhiblia Yo Sawuleka

¹⁸ Ngu toneto, ngu mtamo wa Jesu, hotshethu vathu va tixaka tiya ta timbidi ha mana kuamukelwa ngu Tate ka wonewo Moya wawumwewo.

Vaefesu 2:18 Referans Kwoze

Vaefesu 3:12

Ngu mtamo wakwe Kristu, ha tsana hi tshuketela hafuhi ka Txizimu ngu likholo, na hi di ni kuthemba.

1 Vakorinto 12:13

Kha ditshuri, hotshethu, mwendo hi Vajudha mwendo hi Vagriki, mwendo hi tikhumbi mwendo hi vathuseki, ngu kubhabhatiswa ka Moya wawumwewo, hi mahile mmidi wumwewo. Hotshethu hi setilwe Moya wumwewo.

Varoma 5:2

awu hi nga mana kukholwa ka kateko yiya ngu mtamo wakwe, yona kateko yi hi ku nayo, ayi yi hi ningako kutsaka, na hi txi tsaniswa ngu txithembo txa wudhumo wa Txizimu.

Vaefesu 4:4

Ku ni mmidi wumwewo ni moya wumwewo, kota nga ti i ku txithembo tximwetxo, atxiya nanu mi nga dhanelwa txona.

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Johani 10:9

Ani ngani ni ku txike: Ngako m'thu a txi wulela ngu ngani, a na hanyiswa; a na wulela, a txi huma, eya mana lihawu.

Johani 10:7

Jesu a engetile e va gela kambe a txi khene “Ngu ditshuri, ngu ditshuri, na mi gela ti to ani ngani ni ku txike txa tinvuta.

Vakolosa 1:12

bongani ka Tate, a nga mi ninga mathomo a kumana txyavelo kumweko ni vasawuleki liwoningoni.

Vagalatiya 4:6

Se ngako mi ku vanana, Txizimu txi rumete timbiluni kwanu Moya wa Mwanana wa txona, awuwa wu kwangulako wutxi: “Abba, Tata!”

Varoma 8:15

Ngu toneto, anu kha ma amukela moya wa wukhumbi ti to mi txi telwa ngu kuthava; aniko mi amukete moya wa ku mi maha vanana va mafuyiwa va Txizimu, moya wu wu hi ningako kutsana hi m'dhana ku: “Abba! Tata!”

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

1 Vakorinto 8:6

kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.

Vahebheru 7:19

(Kha ditshuri, Mlayo wa Mosi kha wa maha txilo txo hetiseka), se ku txi wulela txithembo txa txinene atxi txi hi ningako kutshuketela hafuhi ka Txizimu.

Vaefesu 3:14

Ngu toneto, na khizama masoni ka Tate,

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Judha 1:20

Aniko anu, vorandeka, kulani amu ka likholo lanu lo sawuleka ngutu, khongelani mi di ti tshanganisile ni Moya wo Sawuleka,

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

1 Pedro 1:17

Ngako mi m'dhanako tito, “Tata,” ene wule a lamulako m'thu ni m'thu madingano ni mithumo yakwe, hanyani ngu txithavo yotshe mbimo ya kuhanya kwanu.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Jakobe 3:9

Hi dhumisa ngu lona Txizimu, Tate, kambe hi ruketela ngu lona vathu, va va nga vangwa ka txifananiso txa Txizimu.