Vaefesu 2:14 - Bhiblia Yo Sawuleka

¹⁴ Kristu ngu wutumbu wakwe, ngene kudikha kwathu, ene a nga patanisa tixaka timbidi ta vathu, a txi va maha lixaka limwelo, a txi fuvisa txibhiya txi txi nga ti va abanisa, a txi fuvisa livengo ngu kuningela mmidi wakwe;

Vaefesu 2:14 Referans Kwoze

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

Vakolosa 3:11

Konaho, kha ku nga ngadi ni Mugriki mwendo Mujudha, awu a nga ya wukwerani mwendo dikhutu, wa matiko, mwendo mukita, khumbi mwendo mthuseki, aniko ku na ni Kristu dwe, i ku sotshe ka votshe.

Vakolosa 3:15

Timbiluni kwanu ku na fume kudikha ka Kristu, eko mi nga dhanelwa kona; kasi ku ta maha mmidi wumwewo; kombisani kubonga kwanu.

Vaefesu 2:15

a fuvisile mlayo wa sirumo ni mithetho, kasiku Ene ngu wutumbu wakwe, a txi tshanganisa vathu va tixaka timbidi, e va maha vathu vamwevo vavaphya, a txi wuyisa kudikha.

Vakolosa 1:20

ti txi tsakisile kambe Txizimu ti to kwakwe Kristu, sotshe simaha si txi mana kupfana, a txi si ninga kuthutha ngu mtamo wa txihambano txakwe, hambi sa ha mafuni, mwendo sa nzumani.

Vakolosa 2:20

Ngako mi di fite kumweko ni Kristu, mi maneka mi di ponisilwe ka sa ditikoni muwa, nji txani mi tumela kusungwa ngu milayo ya dona nga mo va va ditiko diya?

Varoma 5:1

Ngu toneto, ngako hi nga amukela wululami ngu kukholwa, hi ni kudikha ni Txizimu, ngu Mkoma wathu Jesu Kristu;

Mithumo 10:36

Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.

Mithumo 10:28

Se a txi khene kwawe: “Ma tiziva ti to ta yila ngutu ka Mujudha kutshangana ni vamatiko hambi ku va endela. Kambe Txizimu txi ni kombisile ti to ni si thuki ni womba ku m'thu wa yila, hambi ku ana ni nzambwa.

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

Luka 1:79

ku ta woninga ava va manekako mtemani ni mtsudini ka lifo, ni ku hi tsimbilisa ngu nzila ya kudikha.”

Mika 5:5

Se awuwa a na va kudikha kwathu. Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo.

Vahebheru 7:2

Ngene wuwa Abrahamu a nga ya mninga wugumi wa sotshe. Kambe ditina dakwe, kukhata, di womba ku “mfumeli wa kululama.” Ka wumbidi, mfumeli wa Salema ti womba ku “mfumeli wa kudikha.”

Vaefesu 4:16

Ngu mtamo wakwe, sotshe sihango sa mmidi si ñolani ni kutsaniswa ta tinene ngu misiha yi yi nga vekwa ka sona. Ngu konaho, ngako txihango txihi ni txihi txi txi maha mthumo wa txona ngu fanelo, mmidi wotshe wa kula, wu txi ti aka ngu lirando.

Vaefesu 3:15

Tate wuwa, mwaya ni mwaya, aniya nzumani ni ha mafuni, wu ku ni ditina dakwe.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Johani 11:52

Na i si nga kufela ditiko donari, aniko kumweko ni kusengeleta mpatanoni vanana va Txizimu, va nga hangalaka.

Zakariya 6:13

Ene apune a na aka Dithepele da Mkoma, se a na teka wudhumo, kambe a na khalatsha, a na fuma ha txituluni kwakwe ka wukoma, ni kuva mphaxeli ha txituluni kwakwe ka wukoma, ku nava ni kudikha ka madhawa otshe a mambidi.

Esteri 3:8

Se Hamani a to khene ka mfumeli Asuwero: Ku ni vathu va nga hangalaka, ve abanela ngu matiko otshe a hombe, a mfumo wako, vathu vava milayo yawe yi hambanako ni milayo ya votshe vathu, va si londetiko milayo ya mfumeli; ngu kumaha keto, kha ti vhuni txilo ku mfumeli e va leka ve zumba.

Vaefesu 2:17

Ene a tete ku ta huwelela mhaka ya kudikha kwanu mi nga ti kule ni ka vale va nga ti hafuhi.