Vaefesu 2:10 - Bhiblia Yo Sawuleka

¹⁰ Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Vaefesu 2:10 Referans Kwoze

Vafilipiya 2:13

Kha ditshuri Txizimu ngu txona txi mahako ti to mi xuva ni kuthuma kuranda ka txona.

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

2 Vakorinto 5:17

Ngu kumaha keto, awu a ku ka Kristu, njivangwa txa txiphya; sa kale se si pindile; sotshe si mahile sasiphya.

2 Vakorinto 9:8

Txizimu txa sikota ku mi andisela otshe makatekwa, kasiku mi txi mana asi si lavekako yotshe mbimo ni ka sotshe simaha, ni kutshumela si txi sala kufela ku mi txi maha ngu sona yotshe mithumo ya yinene,

Vaefesu 4:24

mi txi londetela mahanyelo a m'thu wamphya, awu a nga vangwa e mahwa txifaniso txa Txizimu ngu wululami wa ditshuri ni wusawuleki wa ditshuri.

Vafilipiya 1:6

Na themba ti to awule a nga khata mthumo wa wunene kwanu, a na wu hetisa kala kuhoka ka ditshiku da Jesu Kristu.

2 Timoti 3:17

kasiku m'thu wu i ku wa ka Txizimu a txi va a di hetisekile, a txi lulamiselwa ka yotshe mithumo ya yinene.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

2 Timoti 2:21

Ngu konaho, awu a ti basisako ka sihoxo siya a na va i di txiya txa hombe, txo sawuleka, txa kuvhuna ka nyamne wa txona, atxi txi nga lulamiselwa wotshe mthumo wa wunene.

Masalmo 100:3

Ti ziveni ti to Mkoma ngene Txizimu txathu; ngene a nga hi va nga, athu hi lumba ene; athu hi vathu vakwe ni mtxhambi wakwe!

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Isaya 43:21

Vathuvo ni nga ti wumbela, kasi ku va na ni dhumisa.

Vaefesu 1:4

Ngu kota yakwe, Txizimu txi hi sawute, di sinzi kumahwa ditiko, kasi ku hi txi mana wululami wa lirando ni kuzumba hi si nga ni txisolo masoni ka txona.

1 Timoti 6:18

Va na mahe wunene, va nave vanyatithombe ngu mithumo, va nave ni wuha, ve ziva kuabana ni vamwani.

Titosi 3:14

Votshe va ka kwathu va fanete kugonda kukhutalela mithumo ya yinene, kasi kuvhuna amu si pwatekako ngutu, va si mahi sifule so mbi veka mihando.

Vahebheru 10:24

Ahi laveni tinzila to vhunana, hi txi tsaniselana amu ka lirando ni ka mithumo ya yinene.

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

Vakolosa 3:10

mi ambate m'thu wamphya, awuwa se a kulako ka wona wuphyewo, ngu kulondetela nzila ya m'vangi wakwe, kasiku e mana wuzivi wa kuhetiseka.

Titosi 2:7

Thanga awe u va txikombiso txa mithumo ya yinene, u si vi ni txisolo, u va wa kuthutha amu ka kugondisa ditshuri;

1 Vakorinto 3:9

Kha ditshuri, athu hi vavhuneteli va Txizimu, anu mi wudimi wa Txizimu, mi Nyumba ya Txizimu.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Titosi 3:1

Alakanyisa votshe ti to va fanete kutiveka hahatshi ka vafumeli ni ka vakoma, va fanete ku va engisa, ve zumba va di ti lulamisete kumaha mthumo wuhi ni wuhi wo lulama,

1 Johani 2:6

Awule a wombako ti to a ka Txizimu, a fanete kutsimbila ti Jesu a nga tsimbilisa tona.

Masalmo 138:8

Mkoma ana ni txhukwatisela ati ti ni dinganako! Awe Mkoma, lirando lako nda kala kupinduka; U nga leke ha mpfhukani mthumo wa manza ako.

Isaya 29:23

Aniko mbimo yile vanana vanu va no wona mthumo wa manza angu, hagari kwawe, va na sawulekisa ditina dangu, ni kusawulekisa Msawuleki wa Jakobe, se va na thava Txizimu txa ka Israyeli.

Matewu 5:16

Ngu toneto, kwanu ku na woninge masoni ka vathu, kasiku, ngako va txi wona mithumo yanu ya yinene, va na dhumisa Tate wanu a ku nzumani.”

Johani 3:21

Aniko awule a mahako ti i ku ta tinene, a tshuketela ha kuwonekelani, ti taku mithumo yakwe yi txi woneka ha kubasani, nguko a yi maha ngu tifanelo ta mlayo wa Txizimu.

Masalmo 51:10

Awe Txizimu, ni he mbilu ya yinene; wuseta m'hefemulo wangu, u txi wu tsanisa.

2 Vatesalonika 2:17

vona va na mi tsakise timbilu tanu, ni ku mi tsanisa ka totshe ta tinene ti mi ti mahako, ni ka totshe ta tinene ti mi ti wombako.

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

2 Vakorinto 5:5

Se awu a nga hi mahela tiya i Txizimu, i ku txona txi nga hi ninga txitsaniso txa Moya, txa si si tako.

Isaya 44:21

Alakanya timhaka eto, awe Jakobe, ni nawe Israyeli, ngako u ku txithumi txangu; ani ni ku vangile, awe Israyeli u txithumi txangu; kha ni na mbi kudivala.

1 Timoti 5:25

Kufana ni toneto, mithumo ya yinene ya ti wonekisa; hambi yile hi si yi woniko kha yi sikoti kuzumba kusisalani.

1 Timoti 2:10

aniko kuleka eto, va na ti bombise ngu mithumo ya yinene, nga vavasikati va i ku makholwa.

Dhewuteronome 5:33

“Mi na tsimbila ngu yotshe nzila yi Mkoma, Txizimu txanu, a nga mi leleta, kasi ku mi txi hanya, mi di katekile, ni ti to masiku anu ma txi anda, ka ditiko di mi no ya di teka, di txi maha danu.”

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Mithumo 9:36

Didhoropani ka Jopa, ku ti ni wamsikati wa mgondiswa, awu a nga ti dhanwa ku i Tabhita, atiya ngu Txigriki ti txhamusako ku Dhorkasi. Ene a ti taletwe ngu mithumo ya wumbilu ni wuha.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Isaya 19:25

Nguko Mkoma wa Mabutho a Tiyimbi, a na va katekisa, a txi khene: Va na kateke Vaegipta, vathu vangu, ni Vasiriya, i ku mthumo wa manza angu, ni Israyeli, i kuthomba yangu.

Masalmo 119:3

Ava va si mahiko kubiha, va tsimbilako tinzilani ka Mkoma.

Masalmo 81:13

Idiku ngamu yangu yi ti ko ni engisa! Idiku Israyeli a ti ko londisela tinzila tangu!

Vagalatiya 6:15

Ngu toneto, wukwera hi nga txilo, wukhutu ni wona hi nga txilo. Mhaka ya hombe ngu kuhunduluka hi maha txivangwa txa txiphya.

Varoma 8:1

Sekonakuwa kha ku nga ngadi ho kuabaniswa ka vale va ku ka Kristu Jesu.

Dhewuteronome 32:6

Nguko tontiya mi tshumetelaka ngu tona ka Mkoma, anu vathu va wupumbu ni kwa mbi ziva, kani? Ina hi nga ene Tate wako, ni m'vangi wako kani? Ene apune a kumahile a txi ku emisa!

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.

Isaya 43:7

ka votshe vale va dhanwako ngu ditina dangu, ni vale ni nga va wunja, kasi kuva wudhumo wangu; ani ni va wumbile, ina, ani ni va vangile.

Vaefesu 1:1

Ani Paulo, mpostoli wa Jesu Kristu ngu kuranda ka Txizimu, ni bhalela vasawuleki va Efesu, va thembekako ngu ka Kristu Jesu;

Vaefesu 2:6

Txizimu txi hi wusile kumweko ni nene, se txi txi ya hi khalahatshisa nzumani ngu ngene Kristu Jesu;

Vaefesu 2:13

Aniko anu kale mi nga ti kule ni Kristu Jesu, se konkuwa mi hafuhi ngu mnoha wa Kristu.

Vaefesu 2:15

a fuvisile mlayo wa sirumo ni mithetho, kasiku Ene ngu wutumbu wakwe, a txi tshanganisa vathu va tixaka timbidi, e va maha vathu vamwevo vavaphya, a txi wuyisa kudikha.