Vaefesu 2:1 - Bhiblia Yo Sawuleka

¹ Nananu mi ti fite ngu konaho ka minandu ni sionho sanu,

Vaefesu 2:1 Referans Kwoze

Vakolosa 2:13

Kale mi ti vathu va kufa ngu mhaka ya sionho sanu ni mhaka ya wukhutu wa nyama yanu, se Txizimu txi mi hanyisile kumweko ni Kristu. Txona txi hi divalete yotshe minandu yathu;

Varoma 8:2

Nguko mlayo wa Moya wa wutomi awu wu ku ka Kristu Jesu wu ni txhatxhile ka mlayo wa txionho ni lifo.

Vaefesu 4:18

Mialakanyo yawe yi mtemani, kha va nga ni txyavelo amu ka wutomi wa Txizimu, nguko kwawe kuwalo wuzivi, ni timbilu tawe ti bangi.

Johani 5:21

Nga kuwa Tate a wusako vafi e va hanyisa, nene Mwanana wa hanyisa ava a va randako.

1 Johani 3:14

Athu ha tiziva ti to hi humile kufani hi txi ya wutomini, nguko ha randa vanathu. Awu asi randiko a ngadi zumbile kufani.

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

1 Timoti 5:6

Kasi awule a lavako ku ti mahela kuranda, eyo hambi a txi hanya, a fite.

Johani 5:25

Ngu ditshuri, ngu ditshuri, na mi gela ku khani: Yata mbimo, kambe yi hokile konkuwa, ayi vafi va no engisa dipswi da Mwanana wa Txizimu, se ava va no di engisa va na hanya.

1 Vakorinto 15:45

Ngu konaho, kubhatwe, va txi kha vona: “M'thu wo thanga, Adhamu, a mahilwe txiwumbwa txi txi hanyako.” Aniko Adhamu wu wo gwitisa a mahilwe moya wu wu hanyisako.

Johani 10:10

Dikhamba di tela ku ta pa ni ku ta daya ni ku ta vhandamusa basi. Ani ni tete ku ta ti ninga wutomi, ti txi mana kuhanya ka kuenela.”

Mtuletelo 3:1

Ka ngelozi ya Dibanza da Sardhisi, bhala u txi: “A womba tiya awule a ku ni mtxhanu wa Mimoya ni yimbidi ya Txizimu ni tinyeleti ta mtxhanu ni timbidi: Na yi ziva mithumo yako: U na ni nduma ya ti to wa hanya, kasi u fite.

Luka 15:32

Ti ni fanelo kubusa, hi txi tsaka nguko mnanda wu wako a ti fite, e tshumela a txi hanya; a ti mwalate, e tshumela a txi manwa!’ ”

Luka 15:24

nguko mwanana wu wangu, a nga ti fite, se a tshumete a txi hanya, a ti mwalate, se e tshumela e manwa.’ Se va to khata kubusa.”

Matewu 8:22

Aniko Jesu a to khene kwakwe: “Ni londise, u txi leka vafi va txi tshotsha vafi vawe.”

2 Vakorinto 5:14

Lirando la Kristu la hi kurumeta, ngako hi txi pimisa ti to m'thu wammweyo a fete votshe, se ti di ngeto, votshe va fite.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.