Vaefesu 1:3 - Bhiblia Yo Sawuleka

³ Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Vaefesu 1:3 Referans Kwoze

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

2 Vakorinto 1:3

Txi na dhumiswe Txizimu, Tate wa Mkoma wathu Jesu Kristu, Tate wa wumbilu, Txizimu txa kotshe kuthavelela,

Vaefesu 2:6

Txizimu txi hi wusile kumweko ni nene, se txi txi ya hi khalahatshisa nzumani ngu ngene Kristu Jesu;

Genesisi 22:18

Se ngu ka liveleko lako yi na katekiswa yotshe mifumo ya ha mafuni, nguko u engisile dipswi dangu.”

Vaefesu 1:20

awu Txizimu txi nga wu wonekisa ka Kristu, ngu ku mu wusa ka vakufa, txi txi m'khalahatshisa txineneni ka txona nzumani,

Masalmo 72:19

Di na dhumiswe yotshe mbimo ditina da txona da wudhumo ni dotshe ditiko di na tale ngu wudhumo wa txona! Amen! Amen!

Vaefesu 6:12

nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.

Vaefesu 3:10

kasiku wu txi ziviswa konkuwa ka mimoya ya wuthangeli ni ya wukoma wa madhawa a nzumani, ngu kona hawa ka mthumo wa Dibanza, wutxhari wa tixaka to tala wa Txizimu,

Vagalatiya 3:9

Ngu toneto, ava va kholwako va katekiswa kumweko ni Abrahamu, i ku dikholwa.

1 Makronika 4:10

Nguko Jabhesi a to kombela ka Txizimu txa Israyeli, a txi khene: Ni katekise ngutu, u anamisa mihingano yangu, ni dianza dako di va ni nani, ni ku ni vhikela ka sikarato! Se Txizimu txi to mninga ati a nga kombela.

Isaya 61:9

Se liveleko lawe li na ziwa hagari ka matiko, ni tixaka tawe ti na ziwa hagari ka vathu, votshe vale va no va wona, va na tiziva ti to i mbewu yile yi nga katekiswa ngu Mkoma.

Masalmo 134:3

Mkoma a na ku katekise a di Siyoni. Ene a nga maha nzuma ni mafu!

Johani 17:21

Votshe va nave mmweyo, nga ku awe, Tata, u ku kwangu, ni nani ni ku kwako, ni vona va nave kwathu, kasiku ditiko di txi kholwa ti to u ni rumile.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

Vaefesu 1:17

Na kombela ka Txizimu txa Mkoma wathu Jesu Kristu, Tate wa wudhumo, ngu wuzivi wa txona, txi mi ninga moya wa wutxhari ni mtuletelo;

2 Vakorinto 11:31

Txizimu ni Tate wa Mkoma Jesu Kristu, txi dhumisekako kala kupinduka, txa tiziva ti to kha ni wombi makuhu:

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Genesisi 14:20

Txi na bongwe Txizimu Nyatxitimwi txi nga ningela valala vako manzani kwako!” Se Abramu a to ninga Melkisedheki sa wugumi ka sotshe si a nga ti si mani.

1 Vakorinto 12:12

Ngu toneto, kufana ni mmidi i ku wumwewo, kambe wu ku ni sihango sasingi, asi, hambiko i ku sasingi, si mahako mmidi wawumwewo, ngu toneto nene Kristu.

Varoma 12:5

ngu toneto nanathu, hambiko hi ku vangi, hi mmidi wumwewo ngu ka Kristu, se mmwani ni mmwani njihango txa mkwawe.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Vaefesu 1:10

ati ti nga ti fanela kumaheka kutatisekani ka mbimo: Ti to txi tshanganisa Mfumoni ka Kristu sotshe si si ku nzumani ni si si ku ha mafuni.

2 Vakorinto 5:17

Ngu kumaha keto, awu a ku ka Kristu, njivangwa txa txiphya; sa kale se si pindile; sotshe si mahile sasiphya.

Varoma 15:6

kufela ku mi dhumisa ngu diganda Txizimu, atxi i ku Tate wa Mkoma wathu Jesu Kristu.

Nehemiya 9:5

Sekoko Valevhi, ni Jesuwa, ni Kadhimiyeli, ni Bhani, ni Hasabhineya, ni Serebhiya, ni Hodhiya, ni Sebhaniya, ni Petaya va to kha vona: Khukhani mi dhumisa Mkoma, Txizimu txanu, yotshe mbimo! Mahani mkombelo, mi dhumisa ditina da wudhumo wakwe, di di ku txitimwi ka sotshe si si katekiswako ni kudhumiswa.

Vahebheru 8:5

Aniko, mthumo wa kukhozela kwakwe njifananiso ni mtsudi wa si si ku nzumani, madingano ni kuleleta ka Txizimu, ku ku nga amukelwa ngu Mosi, kasiku e aka ditenda, nguko a getwe ku: “Kulaveka ku u txi wona, kasiku u maha totshe madingano ni ti u nga geliswa tona mmangoni.”

Vafilipiya 2:11

se totshe tidimi ti fanela kuhuwelela ti to Jesu Kristu ngene i ku Mkoma kasi ku na dhumiswa Txizimu Tate.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Vahebheru 9:23

Ngu toneto, ngako sifananiso sa simaha sa nzumani si basiswako ngu miphaxo yo nga toneto, ta laveka ti to sona simaha siya sa nzumani si basiswa ngu miphaxo yo pinda yile.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Johani 14:20

Ka donedo ditshiku mi nata tiziva ti to ni ka Tate wangu, ni ti to anu mi kwangu, ani nani ni kwanu.

Luka 2:28

ene a to mteka manzani kwakwe, e bonga ka Txizimu, a txi khene:

2 Makronika 31:8

Ezekhiya ni vathangeli vakwe va tota wona tindunduma, se ve dhumisa Mkoma, ni kubonga va ka Israyeli vathu vakwe.