Vaefesu 1:21 - Bhiblia Yo Sawuleka

²¹ txitimwi ka votshe va va nga ningwa kufuma ni mtamo ni wuhombe ni wukoma, ni txitimwi ka otshe matina awa ma khumbukwako ka txikhati txa nyamsi ni txa mbimo yi yi tako.

Vaefesu 1:21 Referans Kwoze

Vakolosa 2:10

se anu mi mani kuhetiseka ko tala kwakwe Kristu, i ku Msungo wa sotshe si si ku ni wunduna ni kufuma;

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Vahebheru 1:4

Mwanana mbwa hombe ngutu kupinda tingelozi, Txizimu txi mningile ditina da hombe, kupinda tona.

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Vakolosa 2:15

Kristu a fuvisile mtamo wa mimoya ya wunduna ni wukoma, e yi xowokisa masoni ka vathu, e yi xula ko gwitisa ngu txihambano.

Dhaniyeli 7:27

Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Vaefesu 3:10

kasiku wu txi ziviswa konkuwa ka mimoya ya wuthangeli ni ya wukoma wa madhawa a nzumani, ngu kona hawa ka mthumo wa Dibanza, wutxhari wa tixaka to tala wa Txizimu,

Vaefesu 6:12

nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.

Vahebheru 4:14

Aku athu hi ku ni mphaxeli wa hombe, awu a nga dhawula makenekene a txi ya huma nzumani, Jesu Kristu, Mwanana wa Txizimu, hi fanete kuva ni likholo la kutsana.

Matewu 12:32

Wuhi ni wuhi a wombawombako kubiha ngu Mwanana wa M'thu, a na divalelwa; aniko wuhi ni wuhi a wukelako Moya wo Sawuleka, kha na mbi divalelwa, hambi ka yiya mbimo, hambi ka mbimo yi yi tako.”

Vahebheru 2:5

Nguko, hi nga ka tingelozi Txizimu txi nga ningela kufuma ditiko di di tako, adi hi wombawombako ngu dona.

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.