Vaefesu 1:19 - Bhiblia Yo Sawuleka

¹⁹ mi ziva kambe tito, kwathu makholwa, mbwa hombe ngutu mtamo wa txona, nyala ni mtamo wa Txona wa hombe,

Vaefesu 1:19 Referans Kwoze

Vafilipiya 2:13

Kha ditshuri Txizimu ngu txona txi mahako ti to mi xuva ni kuthuma kuranda ka txona.

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Vakolosa 2:12

Ngu kubhabhatiswa anu mi keletwe kumweko ni Kristu, mi tshumela kambe mi wuswa kumweko nayo ngu kuwa mi nga kholwa ka mtamo wa Txizimu, txi nga mu wusa ka vakufa.

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Vakolosa 1:29

Ngu toneto, ni ti karatelako tona, na ni txi lwa ngu mtamo wakwe, awu ene a ni ningako wona.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

Vaefesu 3:7

Ni ti mahile mthumeli wa yona Evhangeli yi, ngu mhaka ya txihiwa txa kateko ya Txizimu, ayi ni nga ningwa ngu mthumo wa mtamo wa txona.

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

2 Vatesalonika 1:11

Ha mi kombelela yotshe mbimo, ti to Txizimu txathu txi txi mi maha ava va fanelwako ngu wutomi wu txi nga mi dhanela wona, txi txi thuma ngu mtamo wa txona ti to yotshe mixuvo yanu ya yinene yi txi tatiseka ngu kuenela, ni mthumo wa likholo lanu.

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

1 Vatesalonika 1:5

Nguko, Evhangeli yathu kha ya hoka kwanu ngu mapswi dwe, aniko yi fakazetwe ngu mtamo wa Moya wo Sawuleka, ni mahanyelo o kholwisa. Ma tiziva ti hi nga hanyisa tona ni nanu ngu mhaka ya lirando kwanu.

2 Vakorinto 5:17

Ngu kumaha keto, awu a ku ka Kristu, njivangwa txa txiphya; sa kale se si pindile; sotshe si mahile sasiphya.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Johani 3:6

Asi si nga velekwa ngu mmidi i mmidi kambe asi si nga velekwa ngu Moya i moya.

Vafilipiya 3:21

Ene a na phindula mmidi wathu wa wusiwana, a txi wu maha wu txi fanana ni mmidi wakwe wa wudhumo, a txi wu ninga mtamo wo fana ni wule ene a fumako ngu wona sotshe simaha.

1 Pedro 4:11

Awu a wombawombako, a na womba-wombe ngu kulondisa dipswi da Txizimu. Awu a thumako a na thume madingano ni txyavelo txi a nga hiwa ngu Txizimu, kasiku, Txizimu txi pfaliswa ka sotshe somaha, ngu Jesu Kristu, i ku ene a lumbwako ngu kupfaliswa, ni mtamo, ngu ha ku si gwitiko. Amen!