Vaefesu 1:18 - Bhiblia Yo Sawuleka

¹⁸ txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Vaefesu 1:18 Referans Kwoze

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Luka 24:45

Sekoko a to va tula mapimo awe, kasiku ve mana kupfisisa Mibhalo;

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Vaefesu 5:8

Kale mi ti hanyela mtemani, aniko mi hindukile mi maha liwoningo ngu ka Mkoma. Tsimbilani kha kwati, nga ti mi ku vanana va liwoningo.

Vaefesu 3:16

Na kombela ti to ene, madingano ni kupfuna ka wudhumo wakwe, e mi tsanisa timbiluni kwanu, ngu mtamo wa moya wakwe,

Vaefesu 4:4

Ku ni mmidi wumwewo ni moya wumwewo, kota nga ti i ku txithembo tximwetxo, atxiya nanu mi nga dhanelwa txona.

Masalmo 119:18

Tula maso angu, kasiku ni wona sidiwukiso sa mlayo wako.

Titosi 3:7

Txizimu txi mahile tiya kasi ku hi txi mahwa valulami ngu mtamo wa kateko ya txona, ni kumahwa vadyi va thomba ya wutomi wo mbi guma, awu hi wu rinzelako.

Isaya 42:7

kasi kutula maso a mabhofu, kasi kuhumisa vo sungwa kusungwani, ni mkorani avale va ku txidemani.

2 Vatesalonika 1:11

Ha mi kombelela yotshe mbimo, ti to Txizimu txathu txi txi mi maha ava va fanelwako ngu wutomi wu txi nga mi dhanela wona, txi txi thuma ngu mtamo wa txona ti to yotshe mixuvo yanu ya yinene yi txi tatiseka ngu kuenela, ni mthumo wa likholo lanu.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

1 Timoti 6:12

Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Vahebheru 10:32

Kambe alakanyani makhato anu. Ka masiku oneyo msana ka kuva mi di woningilwe ngu Txizimu mi rwate sixaniso sa kulwa ko nemela ni kupandisa.

1 Vatesalonika 2:12

Ngu toneto, nanathu hi nga ti mi gondisa tona, ni ku mi tsanisa, ni kukhongotela mmweyo ni mmweyo wanu, kasiku mi tsimbila ngu fanelo masoni ka Txizimu, atxi txi nga mi dhanela ka mfumo wa txona ni kupfaliswa ka txona.

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Isaya 32:3

Se maso a vale va wonako kha ma na mbi wona msana; ni tinzeve ta vale va engisako, ti na engisisa.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

1 Vatesalonika 5:8

Aniko, athu hi ku va mitshikari, he hanyeni ngu kutipimela, he ambaleni txikatawu txa txikete txa likholo ni lirando, hi txi ambala txithembo txa kuhanyiswa, txi txi maha txidgoko txathu.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Matewu 13:15

Nguko timbilu ta vathu vava ti bangile, kambe tinzeve tawe ti tsivekile, maso awe ma vhalekile, kasiku va si woni ngu maso, va si engisi ngu tinzeve, va si pimisi ngu timbilu tawe, va nga thuka ve hunduluka ve mana kuhanyiswa.”

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

Vahebheru 6:4

Ngu toneto, kha ti koteki ka vathu va va nga amukela liwoningo, ava va nga danza txiningo, ava va nga mana txyavelo txa Moya wo Sawuleka,

Vakolosa 3:15

Timbiluni kwanu ku na fume kudikha ka Kristu, eko mi nga dhanelwa kona; kasi ku ta maha mmidi wumwewo; kombisani kubonga kwanu.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Vakolosa 1:5

ngu mhaka ya kuthemba ku mi nga vekelwa kona nzumani, kuthemba ku mi nga ziviswa kona ngu dipswi da ditshuri, i ku Evhangeli,

Vaefesu 2:12

alakanyani tito, ka yile mbimo, mi ti si lumbi Kristu, mi ti si nga ni fanelo ya kubalwa kumweko ni va ka Israyeli, mi ti maneka mi di vamatiko ka situmelelano ni sithembiso sa Txizimu ha mafuni.

Vagalatiya 5:5

I di athu, ha themba ti to Txizimu txi na hi maha valulami masoni ka txona ngu mtamo wa Moya wo Sawuleka wu thumako kwathu ngu konaho ka likholo.

Isaya 29:18

Se ka ditshiku dile, maphanzeve ma napfa mapswi a dibhuku, ni mabhofu ma na thaviswa mphume me wona txidemani.

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

Mithumo 16:14

Se mmweyo wa wamsikati, awu a nga ti dhanwa ku i Lidhiya, mxavisi wa tinguwo ta masilika o bhilivila, wa kuta ngu Tiyatira, awu a nga ti ni txithavo ka Txizimu, a ti ti hi engisela; se Mkoma a to tula mbilu yakwe, kasiku e engisa mapswi awa Paulo a nga ti womba-womba ona.

Vafilipiya 3:14

ni tsimbilisa kuya magwito, kala kuya mana txhatxhazelo ya kuxula, ayi ni dhanelwako yona nzumani ngu Txizimu, ditinani ka Kristu Jesu.

Jobe 42:5

Ni ti engisile va txi womba ngu ngawe, se konkuwa, na kuwona ngu maso angu nipune.

Isaya 11:2

Se Moya wa Mkoma wu na zumba txitimwi kwakwe Moya wa wuzivi ni wutxhari, Moya wawudhota ni mtamo, Moya wa kualakanya ni kuthava Mkoma.

Marku 10:17

Mbimo yi Jesu a nga huma a txi goxometa nzilani kwakwe, m'thu wokari a to tutuma a ta mu khizamela, a txi mu wotisa a txi khene: “M'gondisi wamnene, nji txani ni fanelako ku txi maha, kasiku ni mana thomba ya wutomi wo mbi guma kani?”

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Varoma 11:29

Kasi siningo sa Txizimu ni kudhanwa ngu txona kha si na kutshumelela msana.

Vakolosa 1:12

bongani ka Tate, a nga mi ninga mathomo a kumana txyavelo kumweko ni vasawuleki liwoningoni.

Vakolosa 1:27

Ka vonavo, Txizimu txi ti lavile kuvaninga kuziva lisima la thomba ni wudhumo wa txona txikungo txiya hagari ka vamatiko: Kristu hagari kwanu i txithembo txa kupfaliswa kwanu.

Vakolosa 2:2

kasiku timbilu tawe ti txi tsaniswa; se, ti di tshanganisilwe ngu lirando, ti na ningwa kutalelwa ngu kupfisisa ko hetiseka ni wuzivi wa misisalo ya Txizimu, i ku Kristu apune;