Vaefesu 1:17 - Bhiblia Yo Sawuleka

¹⁷ Na kombela ka Txizimu txa Mkoma wathu Jesu Kristu, Tate wa wudhumo, ngu wuzivi wa txona, txi mi ninga moya wa wutxhari ni mtuletelo;

Vaefesu 1:17 Referans Kwoze

Isaya 11:2

Se Moya wa Mkoma wu na zumba txitimwi kwakwe Moya wa wuzivi ni wutxhari, Moya wawudhota ni mtamo, Moya wa kualakanya ni kuthava Mkoma.

Mavingu 2:5

ngu kona u no pfisisa mhaka ya kuthava Mkoma, kambe u na mana kuziva Txizimu.

2 Pedro 1:3

Mtamo wa wuzimu wakwe wu hi ningile sotshe si si lavekako ka wutomi ni wukhongeli ngu ku hi ninga kateko ya kuziva awule a nga hi dhana, ngu kupfaliswa kwakwe ni mtamo wakwe;

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Matewu 11:27

Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

1 Vakorinto 2:10

Aniko, kwathu, Txizimu txi si wonekisile ngu Moya wa txona wo Sawuleka, awu wu zivako totshe, hambi tile i ku ta wutumbu wa kueta wa Txizimu.

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

Vaefesu 3:5

ka vathu va tixaka ta kale, mhakeyo kha ya ziviswa ka vanana va vathu, kufana ni nyamsi Txizimu txi nga yi tuletela ngu Moya wo Sawuleka ka vapostoli va txona vo sawuleka ni ka vaprofeti;

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Mithumo 6:10

Aniko ve tandeka ku kona wuzivi wakwe ni Moya wu a nga txi womba-womba ngu wona.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Johani 14:26

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

2 Vakorinto 12:1

Ta laveka ku ti dhumisa, hambiko ti si faneliko, aniko ni na womba mhaka ya siwoniso ni situletelo sa Mkoma.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Masalmo 24:7

Anu matimba, tulekani ta tinene! Tulekani, anu matimba a kale ti to a na wulela Mkoma wa kudhumiseka!

1 Vakorinto 12:8

Mmwani a ningwa kuwombawomba mapswi a wutxhari ngu wona Moya, mmwani a ningwa kuwomba dipswi da wuzivi madingano ni wona Moya wu wawumwewo;

1 Vakorinto 2:8

i ku wutxhari wu ni mmweyo mkoma wa ha mafuni muwa asi wu ziviko; nguko idiku va ti kova nawo wuzivi wuwa, nga va sa m'gogotela ha txhihambanoni ene Mkoma wa wudhumo.

Varoma 15:6

kufela ku mi dhumisa ngu diganda Txizimu, atxi i ku Tate wa Mkoma wathu Jesu Kristu.

Johani 16:3

Va na mi maha totshe tiya, nguko kha va m'ziva Tate ni nani.

Dhaniyeli 10:1

Ka dilembe da wuraru da kufuma ka Siro, mfumeli wa Persiya, dipswi di to ziviswa ka Dhaniyeli, awule a dhanwako ngu ditina daku i Bhelixazari; aniko dipswi ndinene, di kombisa yimbi ya hombe, se ene a to pfisisa dipswi diya, se e mana kupfisisisa txiwoniso.

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Johani 14:17

i ku Moya wa ditshuri, awu ditiko di si sikotiko ku wu amukela, nguko kha di wu woni, kambe kha di wu zivi. Anu ma wu ziva, nguko wu zumba ni nanu, kambe wu mndani kwanu.”

Matewu 16:17

Jesu a to mu xamula a txi khene: “U katekile, Simoni, mwana Jona, nguko hi nga m'thu wa ha mafuni a nga kukombekisa eto, aniko i Tate wangu a ku nzumani.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.

Jeremiya 2:11

Di ngava di diho ditiko di di nga hundulusa sizimu sa dona, hambiko i singako sizimu kani? Aniko vathu va vangu va lekile wudhumo wawe, ve khozela sisi si vhuniko txilo.

Masalmo 24:10

I mani ene Mkoma wuwa wa Wudhumo kani? Mkoma wa Mabutho a Tiyimbi; ene ngene Mkoma wa Wudhumo.

Mtuletelo 7:12

“Amen, wudhumo, kupfaliswa, wuzivi, kubongwa, kuxoniphwa, Kufuma ni mtamo si lumba Txizimu yotshe mbimo. Amen.”

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Jakobe 2:1

Vanathu, likholo lanu ka Mkoma wathu Jesu Kristu, wu a nga tala ngu wudhumo, li nga mahe mibhando hagari kwanu.

1 Vakorinto 14:6

Sekoko, vanathu, ngako ni txi mi tela, ni txi tela ku ta womba-womba tidimi, ni na mi vhuna ka tihi, hahanze ka kuva ni txi womba-womba ngu siwoniso sa Txizimu, ni timhaka ta wutxhari, ni ta kuwomba dipswi mwendo ta kugondisa, kani?

Luka 12:12

Nguko Moya wo Sawuleka wu na mi gondisa ka yoneyo mbimo ati mi fanelako ku ti womba.”

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Masalmo 29:3

Dipswi da Mkoma da pfala hagari ka linene; Txizimu txo dhumiseka txa dhindisa nzuma txitimwi ka Linene la hombe!

2 Timoti 2:25

U fanete kulaya kha kwati ava va kanetako, ngu kurinzela ti to Txizimu txi na va ninga mtamo wa kuhunduluka,

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Mithumo 7:2

Sitefani a to xamula, a txi khene: “Anu vanathu ni nanu vatata, ni engiseni! Txizimu txa wudhumo txi ti kombisile ka tate wathu Abrahamu, na a di ngadi Mesopotamiya, na a sinzi kuaka Harani,

Eksodha 28:3

U na womba kambe ka votshe vale va timbilu to txhariha, avale ni nga va tata ngu moya wa wutxhari, ti to va txi mahela syambalo Aroni, kasi ku mkatekisa, a ni thumela amu ka wuphaxeli.

Jobe 42:5

Ni ti engisile va txi womba ngu ngawe, se konkuwa, na kuwona ngu maso angu nipune.

Mavingu 18:15

Mbilu ya txhari ya mana wuzivi, se nzeve ya titxhari ya mana wuzivi.

Vaefesu 4:13

kala kuza hotshe hi mana wumwewo wa likholo ni wuzivi wa kuhetiseka wa Mwanana wa Txizimu, ni wuthu wa kuhetiseka madingano ni mpimo wa txiemo txa kuhetiseka txa Kristu.

Vafilipiya 3:15

Ngu konaho, athu hi ku vahetiseki he zumbeni hi txi alakanya toneto; se ngako mi di ni mialakanyo yimwani, Txizimu txi na mi tuletela txona.

Matewu 20:33

Vona va to angula va txi kha vona: “Mkoma maha ti to maso athu ma txi tuleka!”