Vaefesu 1:14 - Bhiblia Yo Sawuleka

¹⁴ awu i ku txitsaniso txa thomba yathu, ayi hi no yi mana, ditshiku di Txizimu txi ningako kukhululeka ko gwitisa ka vava i ku va txona, ku mahela ti to ve pfalisa wudhumo wa txona.

Vaefesu 1:14 Referans Kwoze

2 Vakorinto 5:5

Se awu a nga hi mahela tiya i Txizimu, i ku txona txi nga hi ninga txitsaniso txa Moya, txa si si tako.

2 Vakorinto 1:22

Txona ngu txona txi nga hi veka txivango ngu txixambanyo txa txona, txi txi zima timbiluni kwathu sitsaniso sa Moya.

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Vagalatiya 4:6

Se ngako mi ku vanana, Txizimu txi rumete timbiluni kwanu Moya wa Mwanana wa txona, awuwa wu kwangulako wutxi: “Abba, Tata!”

Varoma 8:23

Hi nga sona sokha, aniko hambi ni nathu hi nga amukela mihando yo khata ya Moya, ha kuma timbiluni kwathu, na hi txi rinzela kumahwa vanana va mafuyiwa i ku kutirulwa ka mmidi wathu.

Vaefesu 1:12

kasi ku hi txi kulisa wudhumo wa txona, ni kupfaliswa ka txona athu hi nga txi verela Kristu ngu kale.

Mithumo 20:32

“Se konkuwa na mi ningela manzani ka Txizimu ni ka dipswi da kateko ya txona, txi ku ni mtamo wa kuaka ni wa ku mi ninga thomba hagari ka votshe va va nga sawulekiswa.

Masalmo 78:54

Txizimu txi tekile vathu va txona, txi va yisa ditikoni ka txona ko sawuleka, ka mmango wu txi nga wu teka ngu mtamo wa txona!

Masalmo 74:2

Alakanya vathu vako, ava u nga va sawula kukhukhela ka kale, vathu va tihunzu ti u nga ti tirula kasiku ti txi kulumba, alakanya mmango wa Siyoni, aha u zumbako kona.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Luka 21:28

Mbimo yi ti no khata kuhumelela tiya, gulani maso mi txi wona txitimwi, nguko ku hafuhi kuhanyiswa kwanu.”

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,