Vaefesu 1:10 - Bhiblia Yo Sawuleka

¹⁰ ati ti nga ti fanela kumaheka kutatisekani ka mbimo: Ti to txi tshanganisa Mfumoni ka Kristu sotshe si si ku nzumani ni si si ku ha mafuni.

Vaefesu 1:10 Referans Kwoze

Vakolosa 1:20

ti txi tsakisile kambe Txizimu ti to kwakwe Kristu, sotshe simaha si txi mana kupfana, a txi si ninga kuthutha ngu mtamo wa txihambano txakwe, hambi sa ha mafuni, mwendo sa nzumani.

Vagalatiya 4:4

Mbimo yi txi nga hoka txikhati txa kona, Txizimu txi rumete Mwanana wa txona, a nga velekwa ngu wamsikati, a nga tumela kufumwa ngu Mlayo,

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Marku 1:15

“Mbimo yi tatisekile, se Mfumo wa Txizimu wu hafuhi. Hundulukani mi txi kholwa ka Evhangeli!”

Vahebheru 1:2

Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.

Vakolosa 1:16

ngu kwakwe si vangilwe sotshe simaha nzumani ni ha mafuni, simaha si si wonekako ni si si si wonekiko, hambi siluvelo mwendo wufumeli, hambi wukoma mwendo mitamo; sotshe simaha si vangilwe ngu ngene, kambe si vangetwe ene.

1 Pedro 1:20

Ene a nga ziwa ngu kale, na ku sinzi kumahwa ditiko, kambe a txi wonekiswa ka sikhati sa nyamsi, asi i ku so gwitisa, ngu mhaka yanu.

Vaefesu 3:15

Tate wuwa, mwaya ni mwaya, aniya nzumani ni ha mafuni, wu ku ni ditina dakwe.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Vaefesu 1:22

Hahatshi ka mikondo ya Kristu, Txizimu txi vekile sotshe simaha, kambe txi mmahile Msungo wa dotshe Dibanza,

1 Vakorinto 11:3

Aniko ni lava ku mi txi ziva tito: Msungo wa wamwamna ngu Kristu; msungo wa wamsikati ngu wamwamna; se msungo wa Kristu ngu Txizimu.

Amosi 9:11

Ka ditshiku dile, ni na tshumela ni guleta ditenda da Dhavhidha, di nga wa, ni vhaletela amule ku nga vharuka, ni tshumela ni wusa marumbi, ni ma aketa kufana ni masiku a kale;

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Vahebheru 11:40

Nguko, Txizimu txi ti ni mamwani makungo a tshuko a kudingana athu, kasiku vona va si hoki kuhetisekani, hahanze kwathu.

Vakolosa 3:11

Konaho, kha ku nga ngadi ni Mugriki mwendo Mujudha, awu a nga ya wukwerani mwendo dikhutu, wa matiko, mwendo mukita, khumbi mwendo mthuseki, aniko ku na ni Kristu dwe, i ku sotshe ka votshe.

Vaefesu 2:15

a fuvisile mlayo wa sirumo ni mithetho, kasiku Ene ngu wutumbu wakwe, a txi tshanganisa vathu va tixaka timbidi, e va maha vathu vamwevo vavaphya, a txi wuyisa kudikha.

1 Vakorinto 10:11

Ngu toneto, sotshe simaha siya si va humelete kasi kumaha txikombiso kwathu, kambe si bhatwe kasi ku hi laya athu hi nga hoka magwito ka timbimo.

Matewu 25:32

Se votshe vathu va na ya tshangana masoni kwakwe. Ene a na va abanisa ngu mitxhambi yimbidi, nga kule ka m'dyisi a abanisako tinvuta ni tiphongo,

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Vaefesu 3:2

ngako mi di ti engisile va txi womba-womba ngu kateko yi, Txizimu txi nga ni ninga ngu kota yanu, kasi kumaha mthumo wa makungo a txona.