Titosi 3:6 - Bhiblia Yo Sawuleka

⁶ awu txona Txizimu txi nga wu thela ngu kuenela txitimwi kwathu ngu Jesu Kristu Muhanyisi wathu;

Titosi 3:6 Referans Kwoze

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Varoma 5:5

Kuthemba kha ku hi wisi tingana, nguko lirando la Txizimu li thetwe timbiluni kwathu, ngu Moya wo Sawuleka, wu hi nga ningwa.

Mithumo 10:45

Se otshe makholwa a lixaka la vale va nga ti londetela mlayo wa wukwera, va nga ti tile kumweko ni Pedro, va to xamala ngu kuwona Moya wo Sawuleka wu txi amukelwa ngu vamatiko ni vona.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Johani 16:7

Aniko ani na mi gela ditshuri: Ndi nene kwanu ku ani ni tsula, nguko ku nga tiya ni si tsuli, Mthaveleli kha na mbi ta kwanu; ngako ni txi tsula, ni na ya m'rumela kwanu.

Johani 1:16

Kha ditshuri, ngu kutalelwani kwakwe, hotshethu hi amukete kateko ni kateko.

Mavingu 1:23

Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.

Titosi 1:4

ni bhalela Titosi, mwanana wangu wa ditshuri ngu mu ka likholo, li i ku la hotshethu, ni khani: Na ku navelela kateko ni kudikha, asi si tako ngu ka Txizimu ni ka Jesu Kristu Muhanyisi wathu.

Vaefesu 4:2

ngu kotshe kutiveka hahatshi, ni kudikha, ni kuhonisela, mi divalelana ngu lirando,

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Varoma 8:2

Nguko mlayo wa Moya wa wutomi awu wu ku ka Kristu Jesu wu ni txhatxhile ka mlayo wa txionho ni lifo.

Mithumo 2:33

Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.

Johani 7:37

Ka ditshiku do gwitisa da M'buso, i ku ditshiku da hombe, Jesu a to khukha a txi ema, a txi gula dipswi a txi khene: “Ngako m'thu wokari a ti ni ditora, anate kwangu e ta sela.

Johani 4:10

Se Jesu a to xamula a txi khene: “Idiku wo txi ziva txihiwa txa Txizimu, ni ti to i mani wule a ku khene: ‘Hi nga niha mati o sela’ nga i di awe u mu kombelako ti to ene e kuninga mati a kuhanya.”

Isaya 32:15

Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.