Titosi 3:12 - Bhiblia Yo Sawuleka

¹² Mbimo yi ni no rumela Artemasi mwendo Tikikusi va txi ta kheyo kwako, ti karate u txi ni tela kheya Nikopoli, ahawa ni no ya zumba kona, yotshe mbimo ya wuxika.

Titosi 3:12 Referans Kwoze

2 Timoti 4:9

Zama kuta kheno kwangu ngu kukuluveta.

Mithumo 20:4

Ava va nga ti kumweko nayo Paulo i ti Sopatrosi, mwana Pirusi, wa Bhereya; Aristarkusi ni Sekundo, va Tesalonika; Gayo wa Dherbhe, ni Timoti ni Tikiko ni Trofimo, va kuta ngu ditiko da Asiya.

2 Timoti 4:21

Kuluveta u txi ta kheno wu sinzi kuhoka wuxika. Va kudingula: Eubhulusi, ni Pudhente ni Lino ni Klawudhiyo ni votshe vanathu.

2 Timoti 4:12

Ani Tikikusi ni mrumete Efesu.

1 Vakorinto 16:6

Kutilava ni nata zumba ni nanu, mwendo kambe ku ta heta mbimo ya wuxika ni di kheyo, kasiku mi ni heleketa amu ni endelako kona.

Vaefesu 6:21

Kufela ku a ta mi zivisa mahungu angu ni ti ni thumako tona, ni mi rumela Tikiko, mwanathu wo randeka, ni kuthembeka mthumoni ka Mkoma, ene a na mi zivisa totshe.

Vakolosa 4:7

I di mahungu a ti ni hanyisako tona, a nata mi xawutela totshe ene Tikiko mwanathu wo randeka, txithumi txo thembeka, txithumi kulothu mthumoni ka Mkoma.