Titosi 3:1 - Bhiblia Yo Sawuleka

¹ Alakanyisa votshe ti to va fanete kutiveka hahatshi ka vafumeli ni ka vakoma, va fanete ku va engisa, ve zumba va di ti lulamisete kumaha mthumo wuhi ni wuhi wo lulama,

Titosi 3:1 Referans Kwoze

Ekleziyaste 10:4

Ngako mfumeli atxi ku henyela, u nga leke wukhalo wako, nguko txitumelelano mrende wo malata sionho sa hombe.

Mavingu 24:21

Mwanangu, thava Mkoma, ni mfumeli, kambe u nga ti wulete ka vale va lavako kuwusa kulwa.

Matewu 22:21

Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

2 Timoti 2:21

Ngu konaho, awu a ti basisako ka sihoxo siya a na va i di txiya txa hombe, txo sawuleka, txa kuvhuna ka nyamne wa txona, atxi txi nga lulamiselwa wotshe mthumo wa wunene.

2 Timoti 1:6

Ngu konaho, na ku layetela ti to u txi wuseta txihiwa txa Txizimu, atxi u nga ningwa ngu kuwa ni nga kusanzeka manza angu.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

1 Timoti 4:6

Ngako u txi txhamusela timhaka tiya ka vanathu, u na va u di m'dhiyakoni wamnene wa Jesu Kristu, awu a dyiswako ngu mapswi a likholo ni gondo ya yinene, ayi u yi londetelako ngu kale.

1 Timoti 2:2

Kombelelani vafumeli ni votshe vale va fumako, ti to hi txi mana kuhanya ngu kurula ni kuzumbiseka, ngu wunene ni wululamo.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Jeremiya 27:17

Mi nga va engiseni, thumelani mfumeli wa Bhabhilona, mi na hanya; ngu kutxani mi dayako didhoropa diya di txi maha dirumbi kani?

Dhewuteronome 17:12

M'thu wu koko a no ti kulisa, asi engisi mphaxeli wu a nga vekwa kasi ku thumela Mkoma, Txizimu txako, hambi mlamuli asi mu engisi, m'thu eneyo a fanete kudawa. Ngu kumaha keto, mi na heta wubihi hagari ka va ka Israyeli;

2 Pedro 1:12

Ngu konaho, otshe masiku ni navela kuzumba ni txi mi alakanyisa timhaka tiya, hambiko mi ti zivako, ni kuwa mi nga tsaniswa ka dona ditshuri diya mi ku nado.

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,

Vafilipiya 1:11

mi txi pfunelwa ngu mihando yo lulama, yi tako ngu ka Jesu Kristu, kasiku Txizimu txi pfaliswa ni kudhumiswa.

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Isaya 43:26

Xota ku ni alakanya, hi na wulela hotshe kulamulwani; txhatxha mhaka yako, kasi ku u na maneka di lulamile.

Judha 1:5

Ni lava ku mi alakanyisa, hambiko totshe tiya mi ti zivako ta tinene ti to Mkoma, msana ka kutirula vathu vakwe ditikoni ka Egipta, a fuvisile va va nga ti si kholwi.

Titosi 3:14

Votshe va ka kwathu va fanete kugonda kukhutalela mithumo ya yinene, kasi kuvhuna amu si pwatekako ngutu, va si mahi sifule so mbi veka mihando.

2 Timoti 2:14

Va alakanyise timhaka tiya, u txi ti fakaza masoni ka Txizimu, ti to kulaveka va si kanetisani ngu mapswi, nguko kuphikizana kha kuvhuni txilo, tsena kuthuma kutimeta ava va ti engisako.

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.