Titosi 2:8 - Bhiblia Yo Sawuleka

⁸ thumisa dipswi da dinene, adiya di ku si nga ni dikhwiti, di si sikotiko kukambulwa, kasiku mlala, ngako asi mani txilo txo soleka kwathu, a na wiswa tingana.

Titosi 2:8 Referans Kwoze

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

1 Pedro 2:15

Nguko, Txizimu txi lava kumalata wuphukuphuku ngu mithumo yanu ya yinene.

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

1 Timoti 6:3

Ngako mmwani a txi gondisa to hambana, asi londeteli gondo ya Mkoma wathu Jesu Kristu ni gondo ya wukhongeli,

2 Vatesalonika 3:14

Ngako m'thu a txi kanyisa ati hi bhalako ka dipapilo diya, muwonisiseni, mi nga khataleni txilo ngu ngene, kasiku a na wiswa tingana.

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

Isaya 66:5

Engisani dipswi da Mkoma, anu mi dhudhumelako masoni ka dipswi dakwe. Vananu vale va mi nyenyako, kambe va mi tshotshako kule ngu kuranda ditina dangu, va kha vona: “Mkoma a na dhumiswe, kasi ku hi wona kutsaka kwanu!” Aniko vona va na wiswa tingana.

1 Timoti 5:14

Ngu toneto, ni navela ti to tinoni ti ku ngadi tiphya ti tekwa, ti veleka vanana, ti wonda mwaya, ti si tuleli mlala nzila yo womba kubiha ngu wukhongeli.

Luka 13:17

Ngako a txi womba timhaketo, vakaneti vakwe va to telwa ngu tingana, se dibutho dotshe di to tsaka ngu mhaka ya mithumo yo xamalisa yi nga ti mahwa ngu ngene.

Marku 12:34

Jesu a di woni ti to ene a xamute ngu wuzivi, a mgete a txi khene: “Khu nga kule ni Mfumo wa Txizimu!” Se ni mmweyo a ti si tsani kambe ku mu wotisa txilo.

Marku 12:32

Se m'bhali a to khene kwakwe: “U womba tona, M'gondisi! Kha ditshuri, eto, u ti womba ngu kona, tito: ‘Txizimu ngu txona txokha i ku Mkoma, hahanze ka txona, kha nga ho mmwani’;

Marku 12:28

Mmwani wa vabhali, awu a nga va pfa va txi kanetisana, ku ti ngako a txi wona ti to a va xamute ta tinene, a to mtshuketela e ta mu wotisa, a txi khene: “Ngu wuhi mlayo wo khata ka yotshelele kani?”

Marku 12:17

Se Jesu e va xamula a txi khene: “Tshumetelani Khezari, asi i ku sa Khezari, ni Txizimu asi i ku sa Txizimu.” Se va to xamala ngutu.

Titosi 3:14

Votshe va ka kwathu va fanete kugonda kukhutalela mithumo ya yinene, kasi kuvhuna amu si pwatekako ngutu, va si mahi sifule so mbi veka mihando.