Titosi 2:3 - Bhiblia Yo Sawuleka

³ Vavasikati va masungukati ni vona va fanela kuhanya ngu nzila yi yi hanelako vathu vo sawuleka; va nga mahe valumbeti kumbe ku ti maha tikhumbi ta kusela ko pindisa;

Titosi 2:3 Referans Kwoze

Titosi 2:4

aniko va na sikote kuninga mapswi a wusungukati, ti to vavasikati vo ngadi kutekwa ve gonda ngu vona ati va fanelako kurandisa tona vamna vawe ni vanana vawe,

1 Timoti 3:11

Vavasikati ni vona, kulaveka i di vo ti ñola, vo thembeka ka totshe tinzila.

Titosi 1:7

Mthangeli wa dibanza a fanete kuva a si nga ni txisolo, ngako i ku muwoneleli wa Txizimu; kulaveka i si nga wo tikulisa, a si nga ni txihenyisani, i si nga disela, i si nga muwusi wa mazunga, a si nga ni timbiti ta dibhindu do mbi lulama.

1 Timoti 3:8

Vadhiyakoni ni vona, kulaveka i di vathu vo xonipheka, i si nga va makuhu, va si ti ningeteliko wusukeni, i si nga vathumeli va mabhindu a tingana,

Varoma 16:2

mi mu amukela ngu ditina da Mkoma, nga ti ti fanelako vasawuleki, mi m'vhuna ka sotshe si a no si lava kwanu, nguko nene a vhuni va votala, hambi ani a ni vhuni.

Vaefesu 5:3

Kambe wugango ni mithumo yotshe ya nzambwa mwendo likungo, si nga ve ni kuwombwa hagari kwanu, nga ti ti fanelako vasawuleki.

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Vahebheru 5:12

Nguko, ti ti mi fanete ngu kale kuva mi di vagondisi, kambe ni konkuwa mi ngadi mi txi fanela kugondiswa makhato a timhaka ta Txizimu. Mi hindukile mi txi maha vathu va va fanelwako ngu masi, i si nga ngu sakudya so banga.

1 Timoti 5:23

U nga ye masoni ngu kuzumba u txi sela mati dwe, selanyana vhinya ya yidotho, ngu mhaka ya mndani kwako, ni mhaka ya kukhala ngu kulwalalwala.

Varoma 1:29

Va taletwe ngu kwa mbi lulama, ni tshofu, ni timbiti, ni wubihi; va taletwe ngu livengo, wugevenga, kunyenyana, kukanganyisa, ku kujetela, kulumbeta;