Titosi 1:8 - Bhiblia Yo Sawuleka

⁸ Kulaveka a txi ziva kuamukela vapfhumba, i di wamnene, wa kutipimela wo lulama, wa kusawuleka, wa kutiñola ka to biha,

Titosi 1:8 Referans Kwoze

1 Timoti 3:2

Ngu toneto, kulaveka ti to mthangeli e va i di m'thu wu a ku si nga ni txisolo, i di m'thu wu a ku ni msikati mmweyo, i di wa kutiñola, wa mapimo, a di ni nduma ya yinene, wa kuziva kuamukela vapfhumba, wa kusikota kugondisa;

Titosi 2:7

Thanga awe u va txikombiso txa mithumo ya yinene, u si vi ni txisolo, u va wa kuthutha amu ka kugondisa ditshuri;

1 Vafumeli 5:7

Ngako Hiramu a di pfite mapswi a Solomoni, a to tsaka ngutu, a txi khene: A na dhumiswe nyamsi Mkoma, a nga ninga ka Dhavhidha mwanana wo ziva txitimwi ka vathu vava vo talisa tiya.

1 Johani 5:1

Wuhi ni wuhi a kholwako ti to Jesu i Mesiya, a velekilwe ngu Txizimu; se awule a randako m'veleki, wa m'randa kambe awule a nga velekwa ngu ngene.

1 Johani 3:14

Athu ha tiziva ti to hi humile kufani hi txi ya wutomini, nguko ha randa vanathu. Awu asi randiko a ngadi zumbile kufani.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

1 Timoti 4:12

Ku nga ve ni m'thu wo dhelela wuzambi wako, aniko, kuhambana nito, kulaveka u va txikombiso masoni ka makholwa, amu ka kutxhumayela dipswi, amu ka mahanyelo, amu ka lirando, amu ka likholo, amu ka kubasa mbilu.

1 Vatesalonika 2:10

Anu mi tifakazi tathu, ni Txizimu ni txona, ka ti to mahanyelo athu ni nanu mi kholwako i ti mahanyelo o sawuleka, o lulama, ni o mbina txisolo.

Masalmo 16:3

Vasawuleki va va ku ha mafuni, ava va xamalisako ngu mtamo wawe, ngu vona va ni tsakisako.

1 Vafumeli 5:1

Hiramu, mfumeli wa Tiro, a to rumela sithumi sakwe ka Solomoni (nguko a nga pfa taku Solomoni a totilwe wukoma wukhaloni ka tate wakwe), nguko Hiramu a ti dhunda Dhavhidha.

1 Samuwele 18:1

Kambe ku to maheka taku, a di gwitile kuwombawomba ni Sawule, mhefemulo wa Jonatani wu to patana ni mhefemulo wa Dhavhidha; se Jonatani a to m'randa kufana ni ti a ti randisako tona ene.

2 Timoti 3:3

ava vo mbina lirando, vo mbina kutsetselela, valumbeti, vo mbi ti ñola, va tshofu, valala va ti i ku to lulama,

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Mithumo 24:25

Kota ngako a nga txi womba ngu ta kululama ni ta kutiñola, ni ta kulamulwa ku kutako, Felikisi a to dhuka, se a txi khene: “Tsula; ni na kudhana ngu yimwani mbimo.”