Titosi 1:4 - Bhiblia Yo Sawuleka

⁴ ni bhalela Titosi, mwanana wangu wa ditshuri ngu mu ka likholo, li i ku la hotshethu, ni khani: Na ku navelela kateko ni kudikha, asi si tako ngu ka Txizimu ni ka Jesu Kristu Muhanyisi wathu.

Titosi 1:4 Referans Kwoze

2 Timoti 1:2

ni bhalela awe, Timoti, mwanana wangu wo randeka, ni khani: Makatekwa, ni wumbilu ni kudikha si nave ni nawe, si txi ta ngu ka Txizimu Tate, ni ka Kristu Jesu, Mkoma Wathu.

Judha 1:3

Vorandeka, ni di ngadi ni txi xuva ku mi bhalela madingano ni kuhanyiswa kuwa i ku ka hotshethu, ni ti woni ti di ni fanelo ku mi bhalela, ni mi laya, ti to mi lwela likholo li Txizimu txi nga ninga vasawuleki va txona kumweko dwe.

2 Pedro 1:11

Ngu yoneyo nzila, mi na tulelwa diphango da wukoma wo mbi guma wa Mkoma wathu ni Muhanysi wathu Jesu Kristu.

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

2 Vakorinto 2:13

Hambi keto, ani ni ti pandisekile ngutu nguko kha na sikota kumana ni mwanathu Titosi. Ngu toneto, ani ni va satisile ni txi teka nzila ya kuya Makedhoniya.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

2 Vakorinto 8:23

I di Titosi, mpangalati wangu ni txithumi kulothu masoni kwanu; kasi vamwani vanathu nzithumi sa kurumwa ngu mabanza ni wudhumo wa Kristu.

Varoma 1:12

Kasi ngu tito, ngako ni di hafuhi ni nanu, hi na thavelelana ngu likholo li hi ku nalo, anu ni nani.

Johani 4:42

Se va to womba ka wule wamsikati va txi kha vona: “Se athu hi nga ngadi i di mapswi ako, ma hi ningako kukholwa, aniko ngathu hipune hi ti engisako ni ku tiziva ti to Ene ngene Muhanyisi wa Ditiko.”

1 Johani 5:14

Kuthemba ku ni ku nako masoni ka Txizimu ngu kuwa: Ngako hi txi txi kombela txo maha, madingano ni kuranda ka Txizimu, txa hi engisa.

2 Pedro 3:2

kufela ku mi khumbukisa mapswi ale ma nga wombwa kale ngu vaprofeti vo sawuleka, ni txileleto txa Mkoma ni Muhanyisi, atxi mi nga ningwa txona ngu Vapostoli vanu.

2 Pedro 2:20

Ngu toneto, ngako vathu msana ka kuva va di hulukile ka nzambwa ya ditiko ngu kuziva Mkoma wathu Jesu Kristu, se ve tshumela da wumbidi va txi tumela kuxulwa ngu yona nzambwa yileya, mahanyelo awe o gwitisa ma nava o biha ngutu kupinda o khata.

Titosi 1:3

atxiya kambe, ka timbimo tiya txi nga ti sikela, txi nga kombisa dipswi da txona, ka mahungu awa ni nga leletwa, madingano ni kuruma ka Txizimu Muhanyisi wathu,

Vakolosa 1:2

hi bhalela vasawuleki va ku Kolosa, vanathu va kuthembeka ka Kristu: Kateko ni kudikha si nave ni nanu, si txi ta ngu ka Txizimu, Tate wathu!

Vaefesu 1:2

kateko ni kudikha si nave ni nanu, si txi ta ngu ka Txizimu Tate wathu ni Mkoma Wathu Jesu Kristu.

Vagalatiya 2:3

Aniko hambi Titosi, a nga ti kumweko ni nani, ene i nga ti Mugriki, kha kurumetwa kuyiswa wukwerani;

2 Vakorinto 12:18

Ni kombete Titosi kufela ku a txi ta kheyo kwanu, ni txi m'rumela kumweko ni mmwani mwanathu. Ina Titosi a mi dyelete kani? Ina ani ni nene kha hi tsimbili ngu moya wumwewo kani? Ina kha hi tsimbili ngu tsimbilelo yimweyo kani?

2 Vakorinto 8:16

Txi na bongwe Txizimu txi nga ninga Titosi mbilu yo mi khutalela kufana ni nathu.

2 Vakorinto 8:6

Ngu toneto, hi kombete ka Titosi ti taku e hetisa hagari kwanu mthumo wuwa wa wunene, kota nga ku i ku ene a nga wu khata.

2 Vakorinto 7:6

Aniko Txizimu txi txi thavelelako va va ti vekako hahatshi ka txona, txi hi thavelete ngu kubwaka ka Titosi,

2 Vakorinto 4:13

Nguko, hi di ni moya wumwewo wa kukholwa, kufana ni ti ti nga bhalwa va txi kha vona: “Ani ni khotwe, ngu toneto ni wombawombile,” nanathu ha kholwa, se ngu toneto, ha womba-womba,

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.

Vagalatiya 3:26

Nguko anu motshe mi vanana va Txizimu ngu kukholwa ka Kristu Jesu.

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

2 Timoti 1:1

Ani Paulo, mpostoli wa Jesu Kristu, ngu kuranda ka Txizimu, madingano ni txithembiso txa wutomi wu, wu ku ka Kristu Jesu,

2 Timoti 4:10

Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.