Titosi 1:10 - Bhiblia Yo Sawuleka

¹⁰ Nguko vaho vakanyisi vavangi, vanyamuwombe ni vaxengeteli, ngutu-ngutu ka mtxawa wa vawukwera,

Titosi 1:10 Referans Kwoze

1 Timoti 1:6

Nguko ti hambukisa ka nzila yiya, vamwani va pepesekile veya wulela ka siwombawomba so mbi vhuna txilo;

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

Vagalatiya 2:4

mhaka yiya yi wusilwe ngu va va ti wombako ku mbanathu, na kasi makuhu; evo va ti ko txholovela hagari kwathu ngu kukanganyisa, kasi kumbwingamela kuwona wuthuseki wathu, awu wu tako ngu ka Kristu Jesu, kufela kuve tshumela ve hi wuleta wukhumbini.

Vaefesu 4:14

Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako.

Jakobe 1:26

Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

Mithumo 11:2

Ngako Pedro a di tshumelete Jerusalema, makholwa awa a wukwera ma to kanetisana nayo,

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

Mtuletelo 2:6

Aniko, ta tinene ti u ti mahako ngu kunyenya mithumo ya Vanikolahita, ayi nani ni yi nyenyako.

1 Johani 2:18

Sivananananu sangu, txi hokile txikhati txo gwitisa; mi ti engisile ti to wata Mkaneti wa Kristu, na kasi vaho vavangi va ti maha vakaneti va Kristu; ngu konaho hi ti zivako ti to txi hokile txikhati txo gwitisa.

2 Timoti 4:4

Vona va na hambukisa tinzeve tawe ka ditshuri, se va na rendekela mabhulo awalo.

1 Timoti 1:4

va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

Vagalatiya 3:1

Oh! Vagalatiya, maphuphulunu, i mani a nga mi xenga, anu vava Jesu Kristu a nga txhumayelwa masoni kwanu, nga mi to mu wona a txi gogotelwa ha txihambanoni, kani?

Mithumo 20:29

Na tiziva ti to msana ka kuva ni di khukhile ni tsula, ma na wulela maxolwa a tshofu hagari kwanu, aawa ma no mbi ta divalela mtxhambi,

Mithumo 15:1

Sekoko vamwanyani va kuta ngu Judheya va ti ti gondisa vanawe, va txi kha vona: “Ngako mi si tumeli wukwera, kota kuruma ka Mlayo wa Mosi, kha mi na mbi sikota kuhanyiswa.”

Mithumo 15:24

Ngako hi di engisile to vamwanyani vokari, va ka kwathu, va tile kwanu, na va sa rumelwa ngu ngathu, va ta mi dhukisela, va txi mi thela kukanakana timbiluni kwanu ngu mapswi awe,

1 Timoti 1:9

na hi txi tiziva ti to wona kha wa vekelwa ava vo lulama, aniko wu veketwe ava vo biha ni vaeyisi, ava va si thaviko Txizimu, ni vaonhi ni vamahi va to yila ni va va mahako to nyenyeza ngu sa Txizimu, ava va dayako vatate vawe ni vamame vawe, ni vadayi va vathu;

Titosi 1:6

Didhota dimwani ni dimwani, kulaveka di si nga ni txisolo, adi i ku mwamna wa msikati mmweyo, adiya di ku ni vanana vo kholwa, avava ni mmweyo asi sikotiko ku va sola ka mhaka ya mahanyelo o biha mwendo o kanyisa.

1 Johani 2:4

Awu a wombako ti to “ani na m'ziva,” na asi veketi milayo yakwe, a womba makuhu, kambe kha nga na ditshuri.

Matewu 23:14

[Mi na ni dikhombo, anu vabhali ni nanu Vafarisi, vaxengeteli! Mi moxako silo sa tinoni, mi txi va xenga ngu mikombelo yo lapha; ngu toneto mi na lamulwa ngu malamulelo o karata ngutu.”]