Sidilo 5:5 - Bhiblia Yo Sawuleka

⁵ Vaxanisi vathu va txitimwi ka tithamo tathu; se athu hi karate, kha hi nga ni kuhumula.

Sidilo 5:5 Referans Kwoze

Sidilo 1:14

Ngu dianza dakwe a sungelete nyanda ya sionho sangu e si sungelela hamakata kwangu, nga dikange; Mkoma a emisile mitamo yangu se a txi ni ningela ka valala vangu; se na tandeka kukhukha ni txi ema.

Jeremiya 28:14

Nguko Mkoma wa Mabutho a Tiyimbi, Txizimu txa Israyeli, a khene: Ni sanzekile dikange da txikete txitimwi ka tithamo ta otshe matiko awa, ti taku me thumela Nebhukodhonosori, mfumeli wa Bhabhilona, va na mthumela. Ni mningile ni sihari sa txitinga.

Jeremiya 27:8

Ni dihi ditiko mwendo mfumo wuwa wu no lamba kukhoza ka Nebhukodhonosori, mfumeli wa Bhabhilona, va no lamba ku namisa tithamo tawe hahatshi ka dikange da mfumeli wa Bhabhilona, ni na peka ditiko edo ngu ditxhari, ni nzala, ni mtungu, kuwomba Mkoma, kala ni txi di bhi, ngu diwoko dakwe.

Dhewuteronome 28:48

Na nawe u na khozela valala vako, avava Mkoma a no va rumela, kasi ku ta kuwukela u di ni nzala, ni ditora, ni wusakato, ni kupwata sotshe; a na va ruma va txi sanzeka dikange da simbi thamoni kwako, kala u txi loviswa.

Mithumo 15:10

Se konkuwa mi dukela txani Txizimu ngu kulava kurweka vagondiswa mpakato wu vatate vathu ni nathu hi si sikotiko ku wu rwala kani?

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Sidilo 4:19

Avale va hi tovelisako va ni livilo, va siya ni sinyana sa nzuma; ve hi tovela mimangoni, va txi hi zingela, txiwulani.

Jeremiya 27:2

Mkoma a ti khene kwangu: Ti mahele majoke ni makange u txi si hayeka thamoni kwako.

Jeremiya 51:58

Mkoma wa Mabutho a Tiyimbi a khene: Maguma o anama a Bhabhilona, kha ditshuri ma na wiswa, ni matimba akwe o tshura ma na hiswa ngu mndilo, ma txi karala.

Mika 2:3

Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile.

Sidilo 1:3

Judha a tsute wukhumbini, ngu mhaka ya kupandiseka, ni kukula ka wukhumbi wawe; a zumba hagari ka matiko, kha humuli; votshe vatovelisi vakwe va mkhakhetile ha kupandisekani kwakwe.